Si sot, 25 vite më parë në Kosovë u vendosën 50 mijë ushtarë të NATO-s dhe administrate e përkohshme e Kombeve të Bashkuara.
Dita e sotme njihet edhe si përfundimi total i agresionit serb ndaj popullsisë civile. Më 12 qershor 1999, pas 78 ditëve bombardime ndaj Serbisë, NATO hyri në Kosovë me misionin paqeruajtës që do quhej KFOR duke i dhënë fund luftës dy vjeçare mes forcave pushtuese serbo-malazeze dhe UÇK-së.
Pavarësisht kësaj, kjo datë nuk është futur në kalendarin e festave zyrtare për shkak të kushtëzimit nga Lista Serbe.
E vlerësuar nga ata që e përjetuan si ditë e çlirimit dhe si një ndër ditët më të mëdha të historisë së Kosovës, 12 qershori, ndonëse jo e njohur edhe si festë zyrtare, është një ditë kur nga ushtarakë dhe diplomatë botërorë do të mbahet mend si një ditë gati konfrontimi midis Perëndimit dhe Rusisë, një ditë siç thuhej, ‘që do të mund të niste Luftën e Tretë Botërore.’
Ushtarët e parë të NATO-s që hynë në Kosovë më 12 qershor ishin forcat speciale të Norvegjisë dhe ato të Shërbimit Special Ajror Britanik, duke u gjetur ballë për ballë me trupat e Rusisë të cilët një ditë më parë ‘befasisht’ kishin marrë Aeroportin e Prishtinës me qëllimin e ndarjes së Kosovës. Versus.al
