Kryeministrja italiane Giorgia Meloni ka kritikuar deklaratat e presidentit amerikan Donald Trump ndaj Papa Leoni XIV, duke i cilësuar ato si “të papranueshme”.
“Fjalët e Presidentit Trump ndaj Atit të Shenjtë i konsideroj të papranueshme. Papa është kreu i Kishës Katolike dhe është e drejtë dhe normale që ai të bëjë thirrje për paqe dhe të dënojë të gjitha format e luftës.”
Reagimi i saj vjen pasi Trump kritikoi qëndrimin e Papës për konfliktin me Iranin, duke e cilësuar atë “të dobët” dhe “të papërshtatshëm për politikën e jashtme”, si dhe duke deklaruar se nuk është “fans” i tij.
Nga ana tjetër, Papa Leoni XIV iu përgjigj kritikave duke theksuar se nuk ka frikë nga presioni politik dhe se do të vazhdojë të mbrojë mesazhin e paqes dhe kundërshtimin ndaj luftës.
Përplasja mes liderëve ka nxitur reagime në arenën ndërkombëtare, në një kohë kur tensionet për çështjen e Iranit mbeten të larta./Versus.al
