Një stuhi e fortë ka shkaktuar momente paniku në Aeroportin Ndërkombëtar Indira Gandhi në Delhi të Indisë, pasi erërat e fuqishme kanë zhvendosur disa pajisje tokësore, të cilat janë përplasur me avionë të parkuar në pistë.
Pamjet e publikuara në rrjet tregojnë punonjësit e aeroportit duke vrapuar në përpjekje për të ndaluar pajisjet e rrëmbyera nga era dhe për të shmangur dëme të tjera në zonën operative të aeroportit.
Sipas zyrtarëve aeroportualë, mes pajisjeve të prekura kanë qenë një shkallë lëvizëse dhe mjete të përdorura nga ekipet e trajtimit në tokë dhe mirëmbajtjes së kompanive ajrore Air India dhe IndiGo. Për shkak të kushteve të rënduara atmosferike, pajisjet dolën nga pozicionet e tyre dhe goditën tre avionë të parkuar.
Autoritetet kanë konfirmuar se nga incidenti janë shkaktuar dëme materiale në avionë, ndërsa deri më tani nuk raportohet për persona të lënduar. Ndërkohë, ekipet teknike kanë nisur inspektimet për të vlerësuar shkallën e dëmeve dhe ndikimin e mundshëm në operacionet ajrore.
Ngjarja ka rikthyer vëmendjen te masat e sigurisë në aeroporte gjatë kushteve ekstreme të motit, ndërsa autoritetet po hetojnë rrethanat e plota të incidentit.Versus.al
View this post on Instagram
