Një burrë 66-vjeçar është arrestuar për vrasjen e një gruaje shtatzënë 20 vjet pasi trupi i saj u gjet në një varrezë në Teksas.
Trupi është i 26-vjeçares Valerie Laguna, e cila ishte 9 muajshe shtatzënë kur u zhduk më 19 korrik 2005.
Më vonë atë ditë, trupi i saj u gjet në Varrezat Cristo Tay në Cotula të Teksasit. Shkaku i vdekjes ishte një traumë me një mjet të fortë në kokë, raporton CBS.
Edhe pse çështja mbeti e pazgjidhur për dy dekada, autoritetet thanë se nuk e kanë lënë pas dore hetimin e çdo prove që u është paraqitur, dhe në vitin 2018, Departamenti i Sigurisë Publike i Teksasit njoftoi një shpërblim deri në 6,000 dollarë për informacion që çon në arrestim.
Përfundimisht, 20 vjet më vonë, hetimi çoi në lidhjen e krimit me një të dyshuar 66-vjeçar të quajtur Sol Gonzalez.
Gonzalez u arrestua në të njëjtin qytet ku u krye krimi. Ai akuzohet për vrasje të shkallës së parë dhe po mbahet në paraburgim me një garanci prej 1 milion dollarësh.
