Rusi- Mbi 15 oficerë policie dhe disa civilë janë vrarë nga një sulm terrorist në Republikën e Dagestanit. Sulmet kishin në shënjestër qytetet Derbent dhe kryeqytetin Makhachkala në kuadër të festës ortodokse të Rrëshajëve. Sulmuesit ende nuk janë identifikuar por mësohet se janë vrarë 6 prej tyre.
Kreu i republikës, Sergei Melikov, tha se është kuptuar se kush qëndron pas organizimit të sulmeve, pa dhënë detaje.
Dy kisha dhe një sinagogë u shënjestruan në sulmet e së dielës, si dhe një postë policie në Makhachkala, qyteti më i madh i Dagestanit. Një prift i Kishës Ortodokse ishte mes të vrarëve.
Shifra e më shumë se 15 policëve të vrarë është dhënë nga Melikov. Ai tha gjithashtu se disa civilë kishin humbur jetën, duke përfshirë një prift, At Nikolai Kotelnikov, i cili kishte shërbyer në Derbent për më shumë se 40 vjet.
Melikov tha se sulmi ishte përgatitur nga jashtë vendit dhe shpalli tre ditë zie. Versus.al
