Një koment i gazetarit sportiv Dritan Shakohoxha dhënë për Klan Kosovën ka bërë bujë në mediat serbe, të cilat e kanë shpërndarë gjërësisht, duke e cilësuar si të papërshtatshme e seksiste.
Media serbe Blic.rs shkruan se "Gazetari i njohur sportiv shqiptar, Dritan Shakohoxha, bëri një deklaratë jashtë çdo norme dhe shumë të papërshtatshme para ndeshjes Shqipëri-Serbi, ndërsa as kolegia që e intervistoi nuk dha një shembull më të mirë.
Gjatë ndeshjes Shqipëri - Serbi, që mund ta ndiqnit live në portalin Sportal, Šakohodža u pyet nga gazetaria se çfarë mendonte për përfaqësuesen serbe dhe tifozët e saj.
Ai iu përgjigj në një mënyrë primitive dhe ofenduese.
“Ne mundohemi të respektojmë ‘motrat e tyre serbe’,” tha ai me një buzëqeshje të ftohtë, duke bërë kështu një koment seksist.
Reagimi i moderatores që i bëri pyetjen ishte po aq tronditës, pasi ajo qeshi nga zemra me këtë koment fyese ndaj grave."
Për kujtesë, kombëtarja e Serbisë arriti të marrë një pikë nga Tirana, duke barazuar 0-0 ndaj Shqipërisë në një ndeshje pa gola.
