Trajneri legjendar suedez i futbollit, Sven-Göran Eriksson ka ndërruar jetë pas një beteje të gjatë me kancerin në moshën 76 vjeçare.
Lajmin e hidhur e dha familja e tij në një deklaratë, ku shkruhej:
Pas një sëmundje të gjatë, SGE vdiq mëngjesin e sotëm në shtëpinë e tij i rrethuar nga familjarët.
Eriksson ishte trajneri i parë i huaj i ekipit të futbollit të Anglisë në vitin 2001 duke drejtuar të ashtuquajturin "brezi i artë" i lojtarëve duke përfshirë David Beckham, Steven Gerrard, Wayne Rooney dhe Frank Lampard.
Gjatë karrierës së tij, ai drejtoi një numër klubesh evropiane të profilit të lartë, si Benfica, Roma, Fiorentina, Sampdoria dhe Lazio.
Eriksson u largua nga roli i Anglisë pas Kupës së Botës 2006 dhe më vonë do të vazhdonte të drejtonte skuadrat e Meksikës dhe Bregut të Fildishtë, si dhe skuadrat angleze Manchester City dhe Leicester.
Për shkak të problemeve të tij shëndetësore, ai dha dorëheqjen si drejtor sportiv në klubin suedez Karlstad në shkurt 2023.
Pas shpalljes së diagnozës së tij me kancer, Eriksen përmbushi dëshirën e tij të përjetshme kur udhëhoqi Legjendat e Liverpool në një ndeshje bamirësie kundër Ajax në Anfield në mars./Versus.al
