Tiranë- Pavarësisht skepticizmit të opozitës, sot kalon për miratim në Kuvend, rezoluta anti-korrupsion e propozuar nga kryeministri Edi Rama gjatë një mbledhje që pati me ministrat dhe deputetët.
Miratimi i kësaj resolute u fut në rendin e ditës së sotme vetëm me votat e mazhorancës gjatë mbledhjes së Konferencës së Kryetarëve ndërsa deputetët e opozitës abstenuan duke u shprehur skeptikë për funksionimin e këtij mekanizmi të ri.
Sipas socialistëve, project-rezoluta parashikon ngritjen e një komisioni të posaçëm që do të monitorojë punën e institucioneve, përfshirë edhe atyre të drejtësisë në luftën kundër korrupsionit me qëllim përafrimin e legjislacionit shqiptar me atë të Bashkimit Europian.
Seanca plenare, është planifikuar të mbahet në orën 13:00 ndërsa do të ketë edhe diskutime për problematika të qytetarëve në zona të ndryshme të vendit.
