D. Bami, E.Shullazi, M.Haka

122 herë përmendet Marklen Haka në dosjen hetimore ku janë përgjimet e SKY ECC.

Roli i tij fillimisht është ai i "ushtarit" të Emiliano Shullazit dhe rojes së lëvizjeve të Durim Bamit në Nikël e Fushë-Krujë. Marklen Haka ishte pjesë aktive e planeve të shumta beheshin e shprisheshin nga Arben Ndoka, Shullazi e vis Martinaj për vrasjen e Durim Bamit. Emiljano Shullazi ndërkohë që ishte në ambjentet e burgut komuniknte me Arben Ndoken, duke e furnizuar me informacion për lëvizjet, vendet që frekuenton, rrugën që përshkruan, përsonat që e shoqërojnë dhe automjetet që përdorte Bami. Për këtë qëllim, shullazi "i kishte gjetur të zotit punën" duke patur si "syrin e veshin e tij" Marklen Haken, diku kontakt i afërt i Durim Bamit. Haka duke shfrytëzuar njohjen me Durim dhe Valter Bami siguron informacione që i ndan me  Shullazin me qëllim që ai t'i ndaj këto informacione me personat që do të organizojne vrasjen e Durim Bamit.

Në një bisedë në datën 10 janar 2020, Emiljano Shullazi komunikon me Marklen Hakën në lidhje me Valter Bamin, i cili ka lëvizur me një makinë “Range Rover”.

Emiljano Shullazi shprehet në një moment: “Kape mos ja zgjat, se jam ktu dhe robt që janë jashtë me fol kuptohet dhe e kanë pak problem me ardh në Nikël dhe me mbaru punë. Po të jem vetë e mbaroj aty tek dera e shtëpisë. Ky legeni që është këtu në burg Rraja (Redjan Rraja) thotë që Duri (Durim Bami) është më i fuqishmi aty, i bën reklamë.”

Në një tjetër bisedë një ditë më vonë, Emiljano Shullazi i kërkon Hakës të angazhojë shtetasin Albert Zaja për të vrarë Durim Bamin.

“Ngreje pak këtë Zajën se ju aty te bilardo e keni kollaj dhe në darkë nuk kapim mirë kamerat.”– i shkruan Shullazi.

Në vazhdimësi Marklen Haka i jep informacione Shullazit në lidhje me automjetet dhe lëvizjet që kryen Durim Bami.

Emiljano Shullazi i shkruan: Si t’ja bëjmë me e kap k….. ma e rrjep ma e torturu, ishalla ta mbysin fort. Se tani s’ka blind që e ruan…”.

Në komunikimet e zbardhura dhe të ardhura nga Franca, më datë 24 mars 202, Shullazi komunikon sërish me Marklen Hakën dhe dyshohet se diskutojnë në lidhje me lokalizimin e shtetasit Durim Bami: “Po ça nuk del fare në lagje ai plehra. Me ça makine del k…., po Valteri ça thot?”

Një tjetër komunikim mes tyre mban datën 20 prill 2020, Shullazi e pyet Marklen Hakën për makinat që përdor Durim Bami. “Ai D me çfarë është duke lëviz, me atë Renxhin me targa italiane? Po me çfarë targash e mban? Me të rejat, sa e ka targën. Duhet me rujt edhe Bedriun. Me ca makine kishte ardh në Tiranë. Po blindin e mori atë Audin”?

E biseda si këto mes tyre ka "sa të hajë dreqi", por pastaj diçka ndodhi... 

NGA MIK Në ARMIK 

Pastaj papritur Marklen Haka bëhet armik dhe hyn tek lista e personave që duheshin vrarë bashkë me Durim e Valter Bamin 

Ka një përgjim ku thuhet se jepen 500 mijë euro për kokët e të treve dhe se nese kjo arrihet ka edhe 200 mije euro të tjera dhuratë... 

Me date 13.06.2020, ne oren 09:08:24 Arian Tuku i shkruan Oltian Zefit duke i treguar se bashkë me Arben Ndokën kane ofruar 500 mije euro per Durim Bamin, Valter Bamin dhe Marklen Haken te cileve ne bisede i referohet me inicialet e emrave "D", "M" dhe "V". Per vrasjen e tyre nga biseda le te nenkuptohet se edhe Ervis Martinaj te cilit i referohet si "shoku i Arit'', Bujar Lika, ka dhene 500 mije euro te tjera. Keto para i jane dhene per te kryer vrasjen brenda I muaji dhe gjithashtu i shpjegon se nese vriten te tre do kete nje pagese shtese prej 200 mije euro. Arian Tuku i ka derguar mesazhet "... Te shohim tani mram kena staku 500 mi...Per. D...E kan marr persiper ...Per 1 muj...E mbarojm ...lshalla do zoti...E bejn ne laborator i qim robt ...Jan shum te saket...Vetem se kerkun shum ...500 ne 500 shoku arit...Per te 3...D m dhe V...Paket ..." " ...Jo Jo mi zan tek e tek...Dhe nese i bejn te 3 kan 200 dhurat ...Po e kan marr si pun. Per te 3...1 kan kerku ato 200 dhurat ...Po i ban te 3...Po asgja sjan...Shpeto gjysa shqipris ... ".

SPAK e akuzon Marklen Hakën për veprat penale “Vrasje me paramendim”, e mbetur në tentative, në dëm të shtetasit Durim Bami, ngjarje e ndodhur në datën 04.11.2020 në qytetin e Tiranës, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi ; strukturuar kriminal dhe Organizata kriminale “.

E kërkonin në 'qiell', por e gjetën në tokë... Ky ishte fundi i klandestinitet të Marklen Hakës, 33-vjeçarit nga Nikla, i cili u kap në fshatin e tij të lindjes, pak kilometra larg Fushë-Krujës. Vitet e fundit Nikla, ka qenë një zonë "pjellore' me konflikte vrastare mes grupeve të ndryshme kriminale që kanë operuar në zonë. 

Marklen Haka alias Alia, është një prej personazheve që ka lënë "gjurmë" në emrin e Niklës, duke qenë dhe një nder personazhet e njohura për drejtësinë. Haka, akuzohet edhe për serinë e atentateve hakmarrëse ndaj ish-policit Gentjan Bejtja. Ky i fundit u ekzekutua më 15 Mars të këtij viti në banesën e tij, në Larushk të Fushë-Krujës, nga persona të maskuar dhe tashmë të identifikuar. Mes dy familjeve ka pasur disa atentate, ju janë rregjistruar dhe 2 viktima veç Gentjan Bejtjes dhe plagosjen e disa pesonave, mes të cilëve dhe të mitur.

Marklen Haka dhe Gentjan Bejtja, pavarësisht atentatave ndaj njëri tjetrit kanë një pikë që i bashkon dhe ajo lidhet me angazhimin e tyre serioz në ekzekutimin e Durim Bamit. Secili prej tyre ishte vënë në shërbim të Emiljano Shullazit, Arben Ndokës e Ervis Martinajt, në eleminimin e Bamit. Por, pavarësisht pikës që i lidhte, dy bashkëfshatarët, Haka dhe Bejtja nuk i kanë kursyer atentatet dhe qindra plumbat ndaj njëri- tjetrit   

19 Shtator 2016

Në orën 9 e 30 të mëngjesit, Gentian Bejtja, që në atë kohë njihej edhe me emrin Edmond, sapo kishte hipur në makinën e tij “Touareg”, me targë AA 020 BH dhe ndodhej jo shumë larg shtëpisë së tij në Larushkë. Një sasi eksplozivi që ishte vendosur në pjesën e përparme të mjetit. Si pasojë e shpërthimit Bejtja ka mbetur i plagosur lehtë në këmbë. Më 20 dhjetor të vitit 2019, Prokuroria njoftonte se ishin arrestuar për ngjarjen: Edison Pula, Edison Bami, Arjan Ademi, Fadjol Anamali, Muharrem Sheta, Ilir Caca, Marklen Haka, Klaudio Ismailaja dhe Astrit Rryçi.

21 Shtator 2019

Më 21 shtator të vitit 2021, Marklen Haka mbeti i plagosur në një atentat në derën e shtëpisë së tij në Nikël të Krujës. Por në këtë ngjarje mbeti e vrarë gabimisht halla e tij, Shpresa Basha, 50 vjeçe. Autorët zbrazën 100 plumba. Haka, sapo ishte liruar nga burgu kur ndodhi atentati.

9 Janar 2022

Mbrëmjen e 9 janarit të vitit 2022, Gentjan Bejtja, mbeti i plagosur me armë në afërsi të një karburanti në Larushkë të Fushë-Krujës. Bejtja po udhëtonte me një makinë, ku pasagjer ishte Klodjan Stafuka, në momentin që iu zu pritë. Drejt tyre u qëllua me kallashnikov nga një makinë në lëvizje. Plumbi kapi vetëm Bejtjen në njërin krah. Ndërsa Stafuka mori plagë në kokë. 

8 Qershor 2022

Marklen Haka, mbeti i plagosur me armë zjarri më 8 qershor të vitit 2022. Ngjarja ndodhi në mesditë në Fushë-Krujë. Ai u qëllua me një plumb në nofull dhe u transportua menjëherë në spital. Mes të shoqëruarve si të dyshuar ishte edhe Gentian Bejtja. Haka ka qenë i dyshuar edhe për vrasjen e biznesmenit të kromit Nadien Zeneli, në zonën e ish-Bllokut, në vitin 2011, pasi dyshonte se Zeneli i kishte vrarë të vëllain, Roland Haka, në vitin 2004.

4 Korrik 2023

Vetëm 15 minuta pasi kishte kaluar mesnata e kishte hyrë data 4 korrik 2023, një makinë nga ku zbritën 3 persona qëlluan nga të paktën 30 plumba. Plumba që nuk kursyen as dy fëmijë të mitur, 13 e 10 vjeç. Ndërsa daja i tyre mbeti i vrarë. Objektivi ishte prapë Gentian Bejtja, ish polic, që i kishte shpëtuar më parë dy atentateve. Kunati i tij, Ramazan Sino, 29 vjeç, mbeti i vdekur në vend. Sipas Policisë, Sino u gjend rastësisht mes breshërisë së plumbave, njësoj si dy nipat e tij të mitur.  Mes të dyshuarve ishte edhe Marklen Haka, në konflikt të hershëm me Bejtjan.

15 Mars 2024

Atentati që dështoi mesnatën e 4 korrikut të vitit 2023, paçka se humbi jetën një i pafajshëm, u realizua në orën 16 e 20 minuta të 15 marsit 2024. Duket se të njëjtën autorë provuan sërish dhe kësaj here ekzekutuan 43-vjeçarin Gentian Bejtja. Sipas të dhënave të siguruara nga grupi hetimorë, në ngjarje dyshohet të kenë marrë pjesë 4 persona. Të dyshuar për krimin kanë qenë anëtarë të grupit të biznesmenit të zhdukur Ervis Martinaj. Ndaj Bejtjas u derdhën të paktën 100 plumba nga 3 karikatorë kallashi. Ai sapo ishte kthyer nga arratia. Mes të dyshuarve për ngjarjen është edhe Marklen Haka.

Publikohen pamjet e arrestimit të Marklen Hakës, i cili u vu në pranga këtë të premten.

Teksa në video duket që Haka ka një armë me vete, por i kapur "gafil" pa i dhënë kohë as të veshë një palë këpucë. Ai u arrestua i zbathur, ashtu siç edhe e sollën në ambientë e Drejtorisë së Tiranës, të prangosur dhe shoqëruar me efektivë të forcave speciale. 

Marklen Haka është një personazh i njohur për strukturat ligjzbatuese në vend. Ai ishte në kërkim nga SPAK në kuadër të operacionit ‘Revansh’ pasi u zbulua se kishte tentuar të vrasë ish mikun e tij, Durim Bamin.

Tashmë i ashtuquajturi i forti i Niklës, do të përballet me akuzat.

Tiranë/Finalizohet operacioni policor i koduar “Liqeni i Bacungut”.

Falë inteligjencës policore, shërbimet e DVP Tiranë në bashkëpunim me Repartin Special RENEA, organizuan operacionin për kapjen dhe arrestimin e personit me rrezikshmëri të lartë shoqërore, shtetasit Marklen Haka alias Marklen Aliu.

Operacioni ishte i një shkalle të lartë vështirësie dhe rrezikshmërie, dhe ka filluar më datë 02.09.2024 dhe është finalizuar sot rreth orës 14:00.

Si rezultat i këtij operacioni, në afërsi të Liqenit të Bacungut, Nikël, Krujë, ditën e sotme, është bërë i mundur lokalizimi, kapja dhe arrestimi i shtetasit Marklen Haka alias Marklen Aliu.

Gjatë operacionit janë shoqëruar dhe persona të tjerë të cilët po verifikohen nga strukturat e Policisë.

Në objektin ku është lokalizuar shtetasi Marklen Haka alias Marklen Aliu, është gjetur dhe sekuestruar një armë zjarri pistoletë.

Ky shtetas ishte shpallur në kërkim ndërkombëtar pasi me vendimin 49/31 datë 15.05.2024, të Gjykatës së Posaçme të Shkallës së Parë për Korrupsionin dhe Krimin e Organizuar Tiranë, ka vendosur caktimin e masës së sigurimit personal “Arrest në burg”, në mungesë, për veprat penale “Vrasja me paramendim”, e mbetur në tentativë në dëm të shtetasit D. B., kryer në formën e veçantë të bashkëpunimit, atë të grupit të strukturuar kriminal, “Grup i strukturuar kriminal”, dhe “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 78/2, 22, 28/4, 333/a/2 dhe 334 të Kodit penal, “Sigurimi i kushteve dhe mjeteve materiale për të kryer vrasje”, në dëm të shtetasit D. B., kryerja në formë të veçantë të bashkëpunimit, atë të grupit të strukturuar kriminal, “Grup i strukturuar kriminal”, dhe “Pjesmarrje në grup të strukturuar kriminal”, parashikuar nga nenet 80, 28/4, 333/a e 334 të Kodit penal, “Mbajtja pa leje dhe prodhimi i armëve, armëve shpërthyese dhe i municionit”, në bashkëpunim, në formën e grupit të strukturuar kriminal, parashikuar nga nenet 278/1, 28/4, 333/a/2 dhe 334 të Kodit Penal.

Momente nga arrestimi i Marklen Hakës

Policia ka arrestuar ditën e sotme Marklen Hakën, anëtar i bandës së Niklës, pasi ishte shpallur në kërkim nga SPAK për tentativë vrasjeje ndaj Durim Bamit.

Mbi të rëndojnë edhe akuzat e armëmbajtjes pa leje dhe pjesëmarrje në grup të strukturuar kriminal.  

33-vjeçari nuk është një emër i panjohur për policinë pasi ka edhe precedentë të mëparshëm penalë.

Në shtator të vitit 2019 ai i shpëtoi një atentati nga ku mbeti e vdekur halla e tij, ndërsa në qershor të 2022 i shpëtoi një tjetër atentati në Nikël, nga ku mbeti i plagosur.

Në reagimin e ministrit të Brendshëm është bërë me dije se bashkë me të po shoqërohen edhe disa persona të tjerë.

I cilësuar si një ndër personazhet më kryesore të botës së krimit Haka u kap në Nikël të Krujës, me armë zjarri. 

Mariglen Haka ka përfunduar për herë të parë në pranga kur ishte 20 vjeç, i dyshuar për një vepër të rëndë penale, atë të vrasjes.

Ai u arrestua më 29 qershor të vitit 2011, i dyshuar nga Prokuroria e Tiranës si autori i vrasjes së biznesmenit Nadien Zeneli, mbrëmjen e 13 qershorit të po atij viti, në një nga baret tek ish-Blloku në kryeqytet.

I shoqëruar pas ngjarjes, i arrestuari Mariglen Haka ka mohuar vrasjen dhe ka pohuar se nuk ka qenë në Tiranë ditën e ngjarjes.

Haka u la i lirë pas disa muajsh, pasi nuk u arrit t’i faktohej vepra penale, për të cilën ishte arrestuar.

Më 12 shtator të vitit 2018, Mariglen Haka u arrestua bashkë me të atin e dy persona të tjerë, në operacion e bujshëm, gjatë të cilit forcat speciale rrethuan Niklën dhe disa fshatra të tjera të Krujës, duke shoqëruar dhjetëra persona, por që arriti të gjente vetëm disa armë pa leje.

Në lidhje me këtë arrestim, Haka u dënua me 1 vit heqje lirie, por me një vendim të datës Gjykatës së Krujës dënimi i tij përfundoi në korrik të 2019.

Kujtojmë se, më 12 qershor 2024, në Dubai u arrestua Durim Bami, i cili është në akuzë për 4 vepra penale, nga sigurimi i kushteve për vrasje deri tek grup i strukturuar kriminal, kultivim droge dhe kryerje të veprave penale nga organizata kriminale, ose grup i strukturuar kriminal.

Durim Bami, bashkë me Endrit Doklen, Marklen Hakën dhe Xhelal Rrajën, do vrisnin Arben Ndokën.

Reagimi i ministrit të Brendshëm Ervin Hoxha 

Në prangat e Policisë së Shtetit ka rënë pak minuta më parë i shumëkërkuari Marklen Haka alias Aliu, i dyshuar për pjesëmarrje në organizatë kriminale dhe i përfshirë në disa ngjarje të rënda, pas një operacioni profesional të Forcave Speciale RENEA, mbi bazën e informacioneve të siguruara nga Policia e Tiranës.

Një ndër personazhet më kryesore të botës së krimit u kap në Nikël të Krujës, me armë zjarri, e bashkë me të po shoqërohen edhe disa persona të tjerë.
Përpjekja për t'ju shmangur përballjes me drejtësinë po merr e do të marrë çdo ditë e më shumë përgjigjen e duhur nga uniformat blu dhe agjencitë e tjera ligjzbatuese.

Ky është momenti për të përgëzuar dhe shprehur respekt, për forcat e angazhuara në operacionin me shkallë të lartë rrezikshmërie./ Versus.al