Çfarë do të gjeni në brendësi
*Një aksion i policisë së Tiranës ka zbuluar një rrjet prostitucioni në kryeqytet. Në pranga kanë rënë dy tutore të huaja, njëra ukrasinase e identifikuar si Anna Tkochenko dhe tjetra ruse Elena Maslova. *Të dyja u kapën në flagrancë nga policia gjatë operacionit “Escort” teksa u merrnin para disa vajzave të huaja të cilat ofronin shërbime seksuale nën menaxhimin e të arrestuarave. Për rastin, nisi një hetim ndaj 11 escortave të huaja të cilat ishin nën administrimin e tutoreve ruse e ukrainase, ndërsa u sekustruan një shumë e konsiderueshme parash që dyshohet se vinin nga ushtrimi i veprimtarisë së paligjshme të prostitucionit. *Versus.al bëri një vëzhgim të faqes online “Escort Tirana” nga ku vajzat e huaja reklamonin aktivitetin e tyre të prostitucionit në një mënyrë krejt të lirshme me numër telefoni, të dhënat e kombësisë dhe çmimin e shërbimeve të tyre seksuale duke nisur nga 100 euro ora deri në 1500 euro gjatë gjithë ditës. *Rezulton që ka një rritje të madhe të pranisë së escortave të huaja në vend, nga ato latine, tek afrikanet dhe aziatiket. Faqet e internetit janë krejtësisht të aksesueshme dhe deri më tani nuk ka një operacion në dukje serioz për goditjen e kësaj veprimtarie.
Deri në 1500 euro dita, lulëzon rrjeti i prostitucionit me escorta të huaja në Tiranë! Si vajzat aziatike, afrikane e latine joshin nga interneti
Në kushtet kur turizmi në vend ka pasur rritje të vazhdueshme nga viti në vit, të njëjtën rritje e ka pasur edhe “turizmi seksual”. Përveç dëshirës për të përjetuar nga afër bukuritë natyrore të Shqipërisë duket se vizitorë të huaj kanë edhe një arsye tjetër për të udhëtuar në vendin tonë, atë të shërbimeve seksuale që ofrohen nga ato që njihen ndryshe si “escorta” të cilat tashmë nuk janë vetëm shqiptare por me shumicë të huaja që nga vendet aziatike e deri tek ato afrikane.
“Mjafton një klik në internet”
Mjafton një navigim në internet me togëfjalëshin “Escort Tirana” për të zbuluar lulëzimin e prostitucionit që reklamohet në faqet online lehtësisht të aksesueshme për këdo. Në faqet e internetit ka fotografi të ndryshme të vajzave me origjinë të huaja, nën të cilat gjendet përshkrimi për secilën dhe sigurisht edhe çmimi i shërbimit seksual duke e matur me orë.
Mijëra euro për një ditë me një escortë
Gjatë një vëzhgimi të bërë nga Versus.al çmimet janë të ndryshme për eksperienca me vajza që vijnë nga shtete të ndryshme dhe variojnë nga 100 deri 200 euro për 1 orë deri në 1500 euro për shoqërim gjatë gjithë ditës. Ndërkohë që poshtë secilit profil të escortave ka “vlerësime” të bëra nga klientë të mëparshëm të tyre të cilët i rekomandojnë ose jo për të tjerët.
Escorta nga Kazakistani, Afrika e deri në Amerikën Latine
Mes vendeve nga të cilat vijnë escortat renditen ato të Amerikës Latine si Venezuela, Panamaja, Kolumbia, Brazili por nuk mungojnë as ato nga vende të Evropës si Bjellorusia, Spanja, Anglia. Mes tyre ka edhe prej atyre me origjinë nga vende afrikane dhe aziatike si nga Turqia dhe Kazakistani apo Vietnami. Nën fotot e publikuara, ata përdorin edhe shkrime për të joshur të interesuarit që t’i kontaktojnë personalisht nëpërmjet numrit të ëhatsapp që e kanë publikuar gjithashtu mes të dhënave të tjera.
“Unë qëndroj në Tiranë për momentin dhe jam në dispozicion për ju. Nëse keni nevojë për të kaluar një moment të mirë! Unë kam një apartament ku jetoj vetëm, kështu që më shkruani ose më telefononi”- shkruhet në një prej profileve të një vajze nga Kolumbia.
Faqet janë lehtësisht të aksesueshme në internet dhe pavarësisht se prostitucioni në Shqipëri është i ndaluar me ligj, nuk duket të ketë ndonjë përpjekje serioze nga agjencitë ligjzbatuese për të ndaluar këtë fenomen gjithnjë e më në rritje, paralelisht me numrin e turistëve të huaj që vizitojnë vendin tonë cilët duket se nuk vijnë vetëm për bukuritë natyrore. Versus.al
Reklamonin vajzat e huaja në faqen ‘Escort Tirana’, kush janë tutoret ruse dhe ukrainase që u prangosën sot
Vajzat që shihni në foto janë dy tutoret ruse dhe ukrainase të arrestuara nga policia e Tiranës për organizimin e rrjetit të prostitucionit me escorta të huaja që ofronin shërbime seksuale në kryeqytet.
Elena Maslova 37 vjeçe nga Rusia dhe 27 vjeçarja, Anna Tkachenko nga Ukraina u kapën teksa merrnin paratë nga escortat e huaja të cilat i kishin nën menaxhim si punonjëse seksi.
Gjatë operacionit, policia sekuestroi edhe shuma të konsiderueshme parash të cilat dyshohet se vijnë nga ushtrimi i aktivitetit të paligjshëm të prostitucionit. Ndërsa ka nisur hetimi në gjendje të lirë për 11 vajza me shtetësi të huaj. Versus.al
VIDEO/ Rrjet prostitucioni në Tiranë me 2 tutore ruse dhe ukrainase! U merrnin paratë 11 escortave të huaja, si u kapën ‘mat’
Tiranë- Policia ka goditur një rrjet prostitucioni në kryeqytet, duke arrestuar dy tutore me shtetësi ruse dhe ukrainase të cilat po u merrnin paratë disa vajzave të huaja. Këto të fundit ofroheshin si ‘escorta’ në këmbim të shumave të majme të parave.
Anna Tkachenko dhe Elena Maslova janë dy tutoret e arrestuara ndërsa për 11 vajzat që shërbenin si escorta, ka nisur procedimi në gjendje të lirë.
Në kuadër të operacionit u sekuestrua dhe një shumë e madhe parash “cash” të dyshuara të ardhura nga ky rrjet prostitucioni ku shfrytëzoheshin 11 vajza të huaja.
"Në kuadër të këtij operacioni u arrestuan në flagrancë shtetasja ukrainase A. T., 27 vjeçe, dhe shtetasja ruse E. M., 37 vjeçe, të dyja banuese në Tiranë, për veprat penale “prostitucioni”, “shfrytëzimi i prostiucionit” dhe “mbajtja e ambienteve për prostitucion” thuhet në njoftimin e policisë së Tiranës.
Në videon e arrestimit të tyre shihet momenti kur tutoret marrin paratë nga vajzat që shërbenin si eskorta. Versus.al
