Pas më shumë se 8 orë debatesh, akuzash, kundërakuzash dhe sulmesh të ndërsjellta, ka dështuar sot dëshmia e ish ministrit Ilir Beqaj në Komisionin Hetimor për koncesionet në shëndetësi.

Seanca e sotme u mbyll me propozim të nënkryetarit të Komisionit, Plarent Ndreca, i cili tha se “sot nuk po i japim dot drejtim”.

Seanca e pyetjeve me ish ministrin Ilir Beqaj do të rinisë nesër në rreth orës 10:30.

“Këtu e mbyllim, me propozim të nënkryetarit e mbyllim sot për të vijuar nesër në 10:30 me të njëjtin rend dite”, tha Albana Vokshi.

Kujtojmë që për disa orë me radhë, dëshmia e Ilir Beqajt për sterilizimin u mbajt peng pasi demokratët dhe socialistët nuk ranë dakord për procedurën si do të bëhej deklarata e Ilir Beqajt.

Ilir Beqaj mbërriti në Kuvend me pranga në duar, i shoqëruar nga policia dhe sapo u ul në vendin e dëshmitarit futi në ngërç komisionin me kërkesën për të shoqëruar deklaratën e tij me pamje vizuale, foto dhe video, me anë të cilave kërkonte të mbronte vendimin për të dhënë me koncesion procesin e sterilizimit të pajisjeve kirurgjikale në spitalet publike.

Ish-ministri i Shëndetësisë, Ilir Beqaj kërkon që dëshmia e tij në Komisionin Hetimor të Sterilizmit të bëjë nëpërmjet mënyrës së Power Point.

Beqaj së bashku me avokatin Ermal Yzeiraj kishin përgatitur disa foto të ambienteve ku mbaheshin paisjet kirurgjikale dhe bëhej sterelizmi i tyre.

Ata kishin kërkuar edhe leje me anë të një emaili, por kërkesa e tyre nuk ishte miratuar nga kryetarja e këtij komisioni, Albana Vokshi.

Këto foto, sipas Beqaj tregohej koha sterilizimi bëhej me kova uji, dhe prandaj është dashur edhe koncensioni i sterelizmit.

Mbrojtja e ka konsideruar këtë vendim individual të Kryetares së Komisionit, si një vendim të marrë jo në përputhje me kompetencat e saja, të përcaktuara në ligjin nr. 8891, datë 02.05.2002 "Për organizimin dhe funksionimin e Komisioneve Hetimore te Kuvendit", të ndryshuar, dhe njëkohësisht si një vendim të marrë në shkelje të kompetencave ekskluzive

të Komisionit si organ kolegjial, në mbrojtje të cënimit të hapur që i eshtë bërë në rastin konkret të drejtave legitime, procedurale të Z. Ilir Beqaj.

Prej më shumë se 8 orësh deputetët e mazhorancës dhe opozitës janë përfshirë në debate se si duhet të dëshmojë ish-ministri Ilir Beqaj.

Kryetarja e këtij komisioni, deputetja e PD-së, Albana Vokshi nuk ka pranuar që Ilir Beqaj të dëshmonte në këtë komision me anë të një prezantimi poëer-point, por vetëm me anë të një deklarate pa prezantim.

Kjo ka sjellë edhe përplasjen me dy palëve në komision, duke sjellë akuza dhe sulme të ndërsjellta mes deputetëve.

Një debat i ashpër është bërë edhe mes Albana Vokshit dhe deputetes së PS-së, Klodiana Spahiu.

Opozita akuzon mazhorancën për skenar për të penguar Beqjan të japë dëshminë, ndërsa deputetja e mazhorancës Klodiana Spahiu e quan aludim akuzat e opozitës. Deputeti Xhelal Mziu tha se Beqja ndodhet në një sallë me eksponentët e PS-së që është e palejueshme.

Pjesë nga debati

Albana Vokshi: Te ky komision jemi ne, nëse ti do të shkosh te Elisa shko. Lëreni të flasë, po ju edini që nga dëshmia e tij do të dalin 1001 zullume ndaj po e pengoni.

Klodiana Spahiu: Kryetare pse duhet të aludosh për skenar? A ka njeri më të interesuar se Beqja për të referuar më shumë se ai?

Albana Vokshi: Nuk po e lini. Atë prezantimin të na e lëxoje dhe dërgojë.  E bëtë shoë e sollët me pranga dhe nuk po e lini. Nuk bëhet kështu se gjynah

Klodiana Spahiu: Ato pyetje që kemi ne dhe të tjerët të bazohet në ato që ai do të thotë. Në këto 8 orë do të kishim mbaruar.

Albana Vokshi: Deklaratë. Të hapë laptopin dhe ta lexojë deklaratën. Le të na e dorëzojë. Po ia plotësojmë të gjitha. Kaq. Ai mund të kërkojë që edhe të dalë e të shkojë në shtëpi të vet.

Xhelal Mziu: Mazhoranca vijon skenarin në mënyrë të specifikuar. Kemi 6 muaj që merremi me këtë çështje i jemi drejtuar SPAK për të dëshmuar personi në paraburgim dhe kjo është strategji e mazhorancës, që dëshmitari është në ambient të mbyllur me eksponentët të PS që nuk lejohet, ose duhet të jetë brenda në sallë ose në paradhomën e sallës ku bëjmë mbledhjen. Nuk e di se në cilën nga zyrat është. Komisioni hetimor i drejton pyetje personave që kanë qenë të lidhur me të dy afërta korruptive. Dhe nëse ka në person që të gjithë shqiptarët e njohin është Beqja. PPP e koncesionet janë instrumenti më korruptiv. Vetëm në Shqipëri ndodh që Vilma Nushi ka shtuar një shërbim te shëndetësia. Kur ne ftonim KLSH nuk e linin të komunikonte kur dilnin jashtë rendit të ditës.

Ilir Beqaj në Komisionin Hetimor të sterilizimit

Dëshmia e ish ministrit Ilir Beqaj në Komisionin Hetimor të Sterilizimit është ndërprerë pa nisur mirë.

Beqaj kërkon një vendin më lidhje me kërkesën e tij për të bërë deklaratën në powrpoint ndërkohë kryetarja Albana Vokshi vijon të këmbëngulë që një gjë e tillë nuk i lejohet pasi vendimi është shfuqizuar nga Gjykata Kushtetuese.

Pjesë nga diskutimi:

Ilir Beqaj: Prej 7-8 muajsh më keni akuzuar për hajdut

Alban Vokshi: SPAK jo ne

Beqaj: Ju, ju.

Vokshi: Unë kam 10 vite.

Beqaj: Më jepni vendimin që ta vazhdoj, e merrni ju, nuk e marr unë, një deklaratë që unë dua ta ilustroj.

Vokshi: Do bëni deklaratën, a ka mundësi.

Beqaj: Me zë dhe figurë.

Vokshi: Do vijoj me pyetjet, më vjen keq tani. Po e keqpërdorni atë të shkretin.

Beqaj: A ka mundësi atë të shkretin mos e përdorni? Boll e keni bërë 8 muaj. Ato epitete mos i përdorni.  Hallin tënd s’ta zgjidh dot unë, ta kam thënë në Parlament.

Ligji më njeh të drejtën e një deklarate të kontekstualizuar. Dua ta demonstroj me zë dhe figurë. Është vetëm një foto.

Ngjarjet nisin në tetor 2009 kur një anëtar komisioni ishte ministër e bleu centralin dhe për tre vjet e la në qese. Për këtë arsye në bazë të nenit 2 pika 7 thotë vendim i ndërmjetëm, vendim i komisionit të marrë në çdo fazë të hetimit për pyetjen e dëshmitarëve.

Vokshi: E ka rrëzuar Gjykata Kushtetuese. Do të flasësh për të drejtat e tua apo komisionit?

Beqaj: Neni 13 pika dy tregon mënyrën se si merret vendimi, nuk parashikohet askund që vendimin e merr kryetarja. Më jepni një vendim për kërkesën që të vijojmë.

Vokshi: Mbase ke qenë në arrest dhe nuk e di që Kushtetuesja i ka rrëzuar ato nene, ia ka lënë në tagër pakicës./ Versus.al

Në komisionin hetimor ka nisur pyetja e ish-ministrit Ilir Beqaj si dëshmitar për koncesionin e ‘Sterilizimit’. Në nisje, Beqaj ka pasur dy kërkesa për komisionin. Fillimisht kërkoi informacion nëse ka kufizim të atyre që mund të deklarojë në komision, me arsyetimin se mbase mund të binte ndesh me gjyqin ndaj tij. Kryetarja e komisionit Albana Vokshi tha se hetimi parlamentar nuk i mbivendoset atij penal.

“Dua të parashtroj dy kërkesa, në bazë të ligjit të komisioneve hetimore në statusin juridic që unë kam ligji përcakton se gjykata mund të japë një kornizë të asaj çfarë duhet të them. Dua të di nëse gjykata ka ndonjë kornizë që të mos përdoret më pas kundër meje gjatë procesit gjyqësor”- u shpreh Beqaj.

“Hetimi parlamentar nuk ka asnjë mbivendosje me një hetim penal që po bëhet ndaj një dëshmitari. Ju sigurojmë që kemi ndërmarrë të gjithë hapat e duhura me konsensusin e plotë të gjithë deputetëve të këtij komisioni”- u përgjigj deputetja e PD.

Ndërsa kërkesa e dytë e Beqajt ka qenë paraqitja e pretendimeve të tij me video dhe zëra të cilat i ka grumbulluar për të paraqitur pretendimet e tij. Një gjë e tillë u rrëzua nga ana e Vokshit e cila tha se nuk bëhet fjalë për konferencë dhe se Beqaj duhet vetëm të dëshmojë.

Beqaj: Nga ajo që kam parë dje, nga deputetët iniciues shpesh është thënë për të dëshmuar publikun. Dua që të kem mundësi të ilustroj me video, zë dhe figurë ato që kam për të deklaruar.

Vokshi: Lexova të gjitha të drejtat e atyre që ju jep ligji. Kodi i procedurës penale, ka pasur të drejtën për një deklaratë të kontestualizuar, nuk thotë as prezantim me poëer point e asgjë të tillë. Jeni këtu për t’ju përgjigjur pyetjeve të deputetëve. Versus.al

Në nisje të komisionit hetimor për koncesionet në Shëndetësi, para se ish-ministri Ilir Beqaj të hynte në sallë për të dëshmuar, pati një debat mes kryetares së komisionit Albana Vokshi dhe socialistit Plarent Ndreca.

Ky i fundit tha se afati i komisionit nuk mund të shtyhet më shumë pasi ishte shtyrë më herët dhe argumentoi se Ilir Beqaj është dëshmitari kryesor që do të pyetet.

“Zoti Beqaj është prezent, Daca po ashtu, ndërsa Fani ka dërguar një email ku thotë se është jashtë shtetit. Vlerësoj se për këtë dëshmi, duhet të diskutojmë sesi duhet ta marrim, por pasi të pyesim dy dëshmitarët që kemi

Për italianët, siç e paralajmërova edhe dje, nuk kemi ndonjë instrument juridik që t’i dëtyrojmë të vijnë. Sa i përket emrave të tjerë të cilët nuk janë të dakordësuar në listë dëshmitarësh, mendoj se nuk kemi pse të ripërsërisim të njëjtin debat që bëmë dje  Për afatin e komisionit, nuk ka vend për ta shtyrë më pasi e kemi shtyrë dy herë. Kemi kryer hetim të plotë, kemi marrë pafund shkresa dhe dokumente, kemi thirrur një numër të madh dëshmitarësh. Sot kemi dëshmitarin kryesor, zotin Beqaj i cili do na japë të dhëna dhe informacione më shumë se kushdo tjetër”- u shpreh Ndreca.

Nga ana tjetër, Vokshi tha se biznesmenia Vilma Nushi duhet të pyetet si dëshmitare duke qenë se është përfituese direkte e 1.7 mln eurove.

“Të shkelet afati dhe të mos vijë Vilma Nushi e cila është përfituese direkte, kjo do të thotë se keni marrë porosi për të mbrojtur deri në fund Vilma Nushin. Edi Rama lëshoi edhe hajdutin 2 metrosh Ilir Beqajn për të mbrojtur Vilma Nushin. Nuk bëjmë hap pas, e konsiderojmë kyç dëshminë e Edi Ramës dhe Vilma Nushit”- tha Vokshi.

Të njëjtin qëndrim pati edhe deputeti Edmond Spaho i cili e cilësoi si kyçe praninë e Vilma Nushit dhe kryeministrit Edi Rama për t’u pyetur si dëshmitarë. Versus.al

Ish-ministri i Shëndetësisë, Ilir Beqaj është paraqitur sot në komisionin hetimor të koncesioneve në Shëndetësi, për të dëshmuar mbi ‘Sterilizimin’ e pajisjeve mjekësore, gjë për të cilën i është caktuar masa e sigurisë “detyrim paraqitje”.

Ish-ministri u transportua nga burgu ku po mbahet në qeli paraburgimi për abuzim me fondet e Bashkimit Europian gjatë kohës kur ishte në krye të agjencisë “SASPAC”.

Siç shihet edhe nga pamjet, ish-ministri ka mbuluar me xhaketë prangat e vendosura në duart e tij dhe është shoqëruar nga efektivët deri në momentin e hyrjes brenda sallës ku mbahet mbledhja e komisionit hetimor. Versus.al

Momenti i arrestimit të Beqajt, muaj më parë

Ish-ministri i Shëndetësisë, Ilir Beqaj pritet të lërë sot qelinë e paraburgimit për t’u paraqitur për të dëshmuar në komisionin hetimor të Shëndetësisë për ‘Sterilizimin’ dhe “Check Up”.

Marrja në pyetje e tij nga ish-kolegët pritet të nisë në orën 10:00, pasi ish-ministri të mbërrijë nga burgu ku po qëndron si pasojë e masës së sigurisë të caktuar për abuzimet me fondet e “SASPAC”, agjencisë së menaxhimit të fondeve të huaja.

Ditën e djeshme, dëshmoi për rreth orë në komision Ilir Rrapaj, biznesmeni i arrestuar që prej muajit gusht, i cili me kompaninë e tij ‘SanService’ fitoi kontratën koncesionare për sterilizimin e pajisjeve spitalore. Ai mohoi njohjet personale të mëparshme me Ramën, Beqajn apo zëvendësin e tij, Klodian Rrjepajn.

Koncensioni 10 vjeçar me vlerë afro 100 milionë dollarë u firmos në 2015 dhe iu dha nga ministria e Shëndetësisë kompanisë SaniService, një bashkim kompanish ku Ilir Rrapaj me kompaninë e tij Investital LLC është zotëruesi kryesor i aksioneve, krahas kompanive italiane “Servizi Italia”, “Tecnosanimed” dhe “U.Jet S.r.l” të Staccinit.

Ortakët italianë nuk u paraqitën për të dëshmuar në mbledhjen e djeshme të komisionit duke pretenduar se kanë angazhime personale në Itali. Duke qenë se kjo ishte hera e tretë që italianët nuk paraqiteshin të dëshmonin, Vokshi u bëri thirrje organeve kompetente të policisë që të bëjnë të mundur shoqërimin e dëshmitarëve, pavarësisht se afati përfundimtar për mbylljen e komisionit, është e enjtja, data 14 nëntor. Versus.al