Një video tjetër është publikuar nga masakra me tre të vdekur në Shkodër.

Kur ende nuk ka mbërritur policia dhe ambulancat, viktimat janë të shtrira në tokë dhe disa të rinj po i japin ndihmën e shpejtë dhe po lajmërojnë urgjencën.

Në pamje duket një grua që del nga shtëpia ngjitur me vendin e masakrës dhe vë duart në kokë, duke lëshuar kujën për atë që kishte ndodhur.

Persona ende të paidentifikuar i bërë atentat Hamza Licit dhe Arlind Bushatit, ndërsa në këtë ngjarje të rëndë, gjeti vdekjen dhe qytetarja e pafajshme Flutura Basha.

Bashkëshorti i saj, Bashkim Basha ndodhet në spital në gjendje të rëndë.

Flutura dhe Bashkim Basha ishin burrë e grua, të cilët u gjendën në vendin dhe kohën e gabuar, në mes të një atentati mafioz ditën e djeshme në Dobraç të Shkodrës.

Çifti ishte duke udhëtuar me motor, kur nga një makinë u qëllua me breshëri automatiku drejt një makine tjetër.

Vetura e atyre që do të ishin viktima të atentatit, mesa duket gjatë humbjes së kontrollit përplasi motorin e çiftit Basha.

Gruaja humbi jetën në vend nga përplasja e fortë, ndërsa burri ndodhet ende në spital, në gjendje kritike për jetën.

Ngjarja e rëndë ka shokuar jo vetëm qytetin veri-perëndimor por mbarë vendin.

Ish-deputeti Ervin Salianji reagon pas ngjarjes së djeshme në Shkodër.

Në një letër nga burgu demokrati shprehet se atentati i djeshëm është kronikë e një ngjarje të paralajmëruar ishte tragjedia e Shkodrës ku mbetën të vrarë qytetarë të pafajshëm.

Ndër të tjera Salianji shprehet se “Degradimi i rendit dhe sigurisë publike, frika që kanë qytetarët për jetën, pronën, shëndetin, sigurinë nuk mund të zgjidhet nga ata që kanë krijuar problemin!”

Nga ky atentat mbeti i vrarë Hamza Lici, vëllai i Ibrahim Licit, dhe Arlind Bushati, djali i ish-kandidatit të PD për bashkinë Shkodër, Xhemal Bushati.

Po ashtu humbi jetën një grua dhe u plagos burri i saj, të cilët ishin duke udhëtuar me motor në momentin e atentatit, dhe u përplasën nga makina që udhëtonte Lici e Bushati.

“Humbja e jetës së qytetarëve të pafajshëm, guximi për të vrarë në mes të qytetit dhe humbja e autoritetit të shtetit janë tragjedi që parakalon në sytë e të gjithëve! Kronikë e një ngjarje të paralajmëruar ishte tragjedia e Shkodrës ku mbetën të vrarë qytetarë të pafajshëm! Policia nuk reagon ndaj kërcënimit me vdekje ndaj një të riu, e pafuqishme ta parandalojë krimin, e pafuqishme të kapë autorët, e pafuqishme të reagojë më shumë se agjensitë e lajmeve.

Është tmerr më vete se si qeveria i shkel syrin krimeve në varesi te kalkulimeve elektorale, asnjë reagim qeveritar për vrasjet, ministri që belbëzon dhe rri para kamerave sikur i kanë drejtuar armën nuk guxon dot as të dënojē vrasjet dhe as të marrë masa, sepse ministri është i lejuar të fusë hundët tek parfumi i Elda Hotit për ta propoganduar si helm i shkatërrimit në masë por askush i thyejnë hundët nëse i fut tek punët e policisë, ata i emëron krimi e janë në shërbim të partisë shtet! Prandaj i turren protestuesve dhe zbythen nga kriminelet, prandaj nderojnë banditët dhe dhunojnë hallexhinjtë!

Degradimi i rendit dhe sigurisë publike, frika që kanë qytetarët për jetën, pronën, shëndetin, sigurinë nuk mund të zgjidhet nga ata që kanë krijuar problemin!

Ne do ti çmontojmë bandat me forcën e ligjit e do të mbajmë përgjegjës çdo kriminel e cdo pupac që i shërben atyre! Drejtësia vonon por nuk harron!”, shkruan Ervin Salianji në Facebook.

Policia e Shkodrës po kërkon personin në foto që ka qënë në vendin e ngjarjes, pasditen ku ndodhi maskara në lagjen Dobraç të Shkodrës, ku mbetën tre të vrarë.

I riu është filmuar në video nga një qytetar në momentet e para pas ngjarjes dhe sipas dëshmitarëve të pyetur për këtë shtetas thonë se e kanë parë duke dhënë ndihmë ndaj personave të vënë në shënjestër, Hamza Lici dhe Arlind Bushati ndërsa Oficerët e Policisë Gjyqësore dhe efektivët e mbërritur në vendin e ngjarjes nuk e kanë parë të pranishëm.

Ndonëse me rezerva, burime pranë bluve të Shkodrës thonë se nuk përjashtojnë mundësinë që ky shtetas, në moshë relativisht të re, veshur me të zeza, me duar me gjak, që çalon duke ecur me një pamje dukshëm të dyshimtë dhe të shqetësuar, të ketë qenë në makinën “Mercedez Benz” me targa kroate që drejtohej nga i riu Hamza Lici dhe ku pasagjer ishte Arlind Bushati.

Të njëjtat burime mbajnë të njëjtin qëndrim dyshues rreth ngjashmërive që ka personi në pamje me Ibrahim Licin, vëllain e Hamza Licit, të shumëkërkuar për vrasjen e Endri Mustafës.

Dyshimet bëhen më të forta lidhur me disa indicie ku ditët e fundit në Shkodër është aluduar prezenca e Ibrahim Licit. Ndërkohë, gjithçka mbetet deri më tani në kuadrin e dyshimeve dhe krahasimit të të dhënave jo zyrtare. Identifikimi dhe marrja e dëshmisë së këtij shtetasi, shihet si një nga pikat kyçe të grupit hetimor për të zbardhur jo vetëm dinamikën e ngjarjes, por edhe shkaqet e mundshme të saj.

Kujdes pamje të rënda    

Nga kjo ngjarje e tipit mafioz mbetën tre të vrarë Hamza Lici (vëllai i të shumëkërkuarit Ibrahim Lici), Flutura Basha një kalimtare e rastit dhe Arlind Bushati, dali i ish-kandidatit të PD për bashkinë e Shkodrës, Xhemal Bushati. Ndërsa u plagos rëndë bashkëshorti i Flutura Bashës, Bashkim Basha./Versus.al

Kryedemokrati Sali Berisha ka hedhur akuza të forta ndaj policisë së shtetit sa i takon masakrës së djeshme në Dobraç të Shkodrës ku mbetën të vrarë 3 persona dhe u plagos një tjetër.

Berisha tha se atentati mafioz u organizua me mbështetjen e policisë dhe se kishin qenë vetë forcat blu që kishin nxjerrë në pritë Hamza Licin dhe Arlind Bushatin duke u devijuar rrugën në të cilën ata po kalonin.

“Masakra e Shkodrës dje rëndom thuhet se pati mbështetjen e policisë, sepse kjo masakër ishte e paralajmëruar në mënyrë të përsëritur dhe organet bashkëpunëtorë të krimit, si Skrapi i partisë dhe policia, kishin çdo të dhënë për përgatitjen e saj. Nuk kam të sigurtë burimin, por duan të thonë, se në pritë i nxori dikush nga policia që u devijoi rrugën Licit dhe Bushatit.

Kjo masakër nuk mund të mos lidhet me vendimin e Edi Ramës për të kandiduar në Shkodër. Edi Rama e di se ai është njeriu më i urryer nga Shkodra dhe Shkodranët.  Edi Rama e di se për shkodranët, me trashëgiminë e tij të të atit xhelat komunist, me urrejtjen dhe ndërprerjen e të gjitha investimeve për 8 vite me radhë në këtë qytet, në Shkodër nuk do kush të ja dëgjojë emrin”- u shpreh Berisha.

Më tej, ai akuzoi Ramën se përdorte kundërshtarët e fisit Lici, bandën Bajri për të fituar në zgjedhjet lokale dhe qendrore në qarkun e Shkodrës.

"Edi Rama e di se ka vendosur në bashki, personin që shef kabineti të vërtetë ka Safet Bajrin. Edi Rama mendon se do të mposhtë Shkodrën me bandën e tij.  E vërteta është se banda e Edi Ramës në Shkodër, Bajrit famoz dhe degët e tyre se nuk janë vetëm, tani përcakton vendimmarrjet në Tiranë dhe në Shkodër për këtyë qytet të bekuar. E vërteta është se kjo bandë kontrollon Edi Ramën, Spirogjokën, Ballën dhe Mondin e ka të vehtin.  Por kjo bandë me në krye Edi Ramën nuk do të mund të mposhtë kurrë Shkodrën”- shtoi kreu i PD.

Më tej ai ftoi të gjithë demokratët për një marshim në shkodër të shtunën në orën 12:00 në formë proteste për vrasjen e ndodhur ku përveç shënjestrës Hamza Lici dhe shokut të tij Arlind Bushati humbi jetën edhe një e moshuar krejt e pafajshme që ndodhej në motor me bashkëshortin e vetë i cili aktualisht është në gjendje të rëndë shëndetësore në spital. Versus.al

Dy prej viktimave, Hamza Lici dhe Arlind Bushati

Autorët të cilët kryen atentatin mafioz ditën e djeshme në Shkodër ku shënjestër ishte Hamza Lici, por e pësuan edhe 3 persona të tjerë, dyshohet se janë vrasës me pagesë nga Mali i Zi.

Burime bëjnë me dije se autorët të rinj në moshë, kanë hyrë nga Mali i Zi ditët e fundit dhe kanë bërë lëvizje në afërsi të Dobraçit disa herë. Numri i shasisë së makinës me targa kroate është dërguar për ekspertim me shpresën se mund të zbulohet pavarësisht dëmtimit nga zjarri.

Vështirësia në zbulimin e autorëve qëndron në faktin se në zona nuk ka kamera sigurie, ose edhe ato që janë, nuk kanë server për ruajtjen e pamjeve.

Për ngjarjen që tronditi sërish Shkodrën në vazhdën e krimeve mafioze, foli edhe vetë ministri i Brendshëm Ervin Hoxha duke bërë me dije se në zonën ku ndodhi ngjarja kanë shkuar një numër i madh i forcave të policisë dhe siguroi që shumë shpejt do ketë rezultate konkrete për kapjen e autorëve.

“Dje të gjitha forcat e Policisë së Shtetit kanë shkuar në Shkodër për të bërë të mundur arrestimin e autorëve. Ata janë atje për të bërë detyrën e tyre. Shumë shpejt do të kemi një rezultat konkret në lidhje me ngjarjen që ka ndodhur dje”, tha ministri.

Dyshimet janë se atentati ka lidhje me përplasjen mes fiseve Lici dhe Bajri në Shkodër. Versus.al

Flutura Basha

Ishte duke udhëtuar me motoçikletë me bashkëshortin e saj teksa po ktheheshin nga puna por u ndodh në vendin e gabuar dhe në momentin e gabuar.

Flutura Basha, 66 vjeç është viktima e pafajshme në masakrën e  Dobraçit.

Motori me të cilin ajo udhëtonte u përlas nga makina ku ndodheshin shënjestrat e atentetatit të masakrës së Shkodrës, Hamza Lici dhe  Arlind Bushati.

Bashkëshorti i saj, Bashkimi një tjetër i pafajshëm është i shtruar në spitalin e Shkodrës dhe gjendja e tij shëndetësore është akoma është e e rëndë.

Nga masakra e  djeshme në lagjen Dobraç, në Shkodër mbetën 3 të vrarë, Hamza Lici (vëllai i të shumëkërkuarit Ibrahim Lici), Flutura Basha një kalimtare e rastit dhe Arlind Bushati, dali i ish-kandidatit të PD për bashkinë e Shkodrës dhe një i plagosur rëndë Xhemal Bushati./Versus.al

Safet Bajri i njohur si “kreu i klanit Bajri” në Shkodër dhe në armiqësi të hapur me fisin Lici, ka qenë njëri prej 20 personave të shoqëruar në polici lidhur me ngjarjen e ndodhur pasditen e djeshme në Dobraç ku u ekzekutua Hamza Lici, vëllai i të shumëkërkuarit Ibrahim Lici dhe personi që ndodhej me të në makinë Arlind Bushati, djali i ish-kandidatit të PD për bashkinë e Shkodrës, Xhemal Bushati.

Për atentatin me 3 viktima dhe 1 të plagosur, Safet Bajri ka dëshmuar para policisë se nuk ka asnjë dijeni mbi ngjarjen dhe se në momentin kur ka ndodhur, ka qenë në shtëpi me familjen e tij, duke e argumentuar me faktin se një gjë e tillë është regjistruar edhe nga kamerat e montuara në shtëpinë e tij.

Për pasojë, ai është mbajtur për vetëm 2 orë në drejtorinë e policisë dhe më pas është lënë i lirë. Versus.al

Dy prej viktimave, Hamza Lici dhe Arlind Bushati, foto nga vendngjarja e atentatit mafioz

Shkodër- Katër persona kanë marrë pjesë në organizimin e atentatit të djeshëm në Dobraç ku për pasojë humbën jetën Hamza Lici (vëllai i të shumëkërkuarit Ibrahim Lici), Flutura Basha një kalimtare e rastit dhe Arlind Bushati, dali i ish-kandidatit të PD për bashkinë e Shkodrës, Xhemal Bushati. Ndërsa u plagos rëndë bashkëshorti i Flutura Bashës, Bashkim Basha.

E gjithë ngjarja e tipit mafioz është zhvilluar brenda 70 sekondave dhe autorët kanë hapur zjarr në breshëri për rreth 150 metra pasi qëlluan mjetin që drejtohej nga Hamza Lici. Në këmbët e këtij të fundit u gjet një pistoletë të cilën ka tentuar ta përdorë për t’u mbrojtur, por nuk ia ka dalë. Ndërsa viktima tjetër, Arlind Bushati u është kundërpërgjigjur autorëve me armë zjarri.

Dy prej autorëve kanë hapur zjarr drejt viktimave, ndërsa njëri prej tyre ka drejtuar mjetin tip “Range Rover” që u gjet i djegur pak orë pas ngjarjes. Më pas një tjetër person i ka marrë autorët nga vendi ku braktisën mjetin me të cilin kryen masakrën.

Viktimë e pafajshme e këtij atentati ishte e moshuara Flutura Basha e cila po udhëtonte me bashkëshortin e saj Bashkim Basha në një motomjet. Në momentin kur autorët kanë hapur zjarr ndaj makinës që drejtohej nga Hamza Lici, ky i fundit ka tentuar të manovrojë për t’ju shmangur të shtënave por gjatë manovrës, ka përplasur motorin me të cilin qarkullonte çifti i të moshuarve duke lënë të vdekur Flutura Bashën dhe të plagosur rëndë bashkëshortin e saj Bashkim Bashën.

Për ngjarjen u shoqëruan në polici 20 persona, mes të cilëve edhe Safet Bajri i cili njihet si kreu i “klanit Bajri” në Shkodër në konflikt të hershëm me fisin Lici. Ai tha në polici se në momentin kur ndodhi ngjarja, ka qenë me familjarët në shtëpinë e tij.

Si nisen përplasjet mes fiseve Lici dhe Bajri dhe saga e përgjakshme që nga 2018

Atentati i mafioz i ndodhur pasditen e djeshme, është vijim i përplasjeve mes dy grupeve Lici dhe Bajri në Shkodër, përplasje që ka regjistruar disa viktima. Gjithçka dyshohet se ka nisur që prej atentatit në janar të 2018 ndaj biznesmenit Lulzim Kulla.

Shpërthimi i telekomanduar shkaktoi tetë persona të plagosur, mes të cilëve dhe Kulla. Më 18 qershor, u vra në servisin e tij teksa po riparonte brava makinash shtetasi Mehdi Kavaja, vrasje e dyshuar për hakmarrje. Ende ajo ngjarje është pa autor, ndërsa riparuesi i bravave u qëllua me plumb në kokë, duke mbetur i vdekur në vend.

Më 15 korrik të vitit të 2018, poshtë banesës që kishin me qira ekzekutohen çifti Boran Bërçana, ish-polic dhe Silvi Ndoci, ndërsa bashkë me ata në makinë ndodhej edhe fëmija 3 vjeç, që u shpëtoi mrekullisht plumbave. Ish-polici Bërçana dyshohej se kishte lidhje me grupin Bajri që aktualisht janë të arrestuar dhe po ashtu ish-polici Bërçana dyshohej se kishte lidhje në atentatin ndaj Lul Kullës në janarin e 2018-ës dhe vrasja dyshohet se është kryer nga fisi Lici në Shkodër, që kanë lidhje me Lul Kullën, duke qenë se është dhëndri i tyre.

Më 10 gusht të 2018-ës vritet Fatbardh Lici, pjesëtar i familjes Lici, vëllai i të fortit Sokol Lici dhe anëtarit të Këshillit Bashkiak të Shkodrës, Mustaf Lici. Kjo vrasje dyshohet se erdhi si hakmarrje nga fisi Bajri, pas vrasjes së ish-policit Bërcana.

Më 23 gusht zhduken shtetasit Agron Mollaj dhe Gëzim Hysa, nip dhe dajë, dhe ende sot nuk janë gjetur. Këta dy shtetas dyshohet se kishin lidhje me fisin Lici, ndërsa mendohet se pasi janë zhdukur, janë vrarë.

Pa kaluar shumë ditë, vjen vrasja e Arjan Ferracakut, i cili u qëllua teksa ndodhej me kalin e tij në zonën e Livadheve, më 1 shtator të vitit të 2018. Arjan Ferracaku, pak minuta para se të vritej, kishte komunikuar me Astrit Bilalin dhe ky i fundit e kishte thirrur që të dalë me kalë, pasi Astriti do shoqëronte disa turistë nga Kosova në Liqenin e Shkodrës.

Më 14 nëntor po 2018 vritet Fatos Ferracaku, kushëri i Arjan Ferracakut. Fatos Ferracaku u vra në mes të ditës, teksa po shiste peshk në lagjen “Rus”.

Në shtator të 2019, pas fillimit të serisë së krimeve, policia ndërhyri duke arrestuar anëtarët e dyshuar të grupit kriminal “Bajri”. 12 persona përfshi Astmer Bilalin, djali dhe nipi i viktimave të atentatit të së shtunës, u arrestuan në Shqipëri, Hollandë, Belgjikë e Spanjë.

Një nga viktimat e djeshme, Hamza Lici, vëllai i Ibrahimit, i shtohet kësaj serie hakmarrëse të nisur prej shumë vitesh dhe që duket se nuk do të gjendet paqe as qetësi mes tyre. Versus.al