Çfarë do të gjeni në brendësi
*Komisioni i Etikës dhe Disiplinës në UEFA ka vendosur të gjobisë sërish Federatën Shqiptare të Futbollit me shumën 47,500 euro për shkak të incidenteve të ndodhura gjatë ndeshjes së raundit të dytë në finalet e Kampionatit Europian “Gjermani 2024” ndaj Kroacisë, e luajtur në stadiumin e Hamburgut më 19 qershor 2024. * Pas ofendimeve ndaj maqedonasve në ndeshjen me Kroacinë, sulmuesi shqiptar Merilind Daku është pezulluar nga Komisioni i Etikës dhe Disiplinës në UEFA me dy ndeshje. Daku nuk do të luajë në ndeshjen me Spanjën. * Sulmuesi Myrto Uzuni është rishfaqur disa javë pasi mori vesh që nuk do të ishte pjesë e Kombëtares Shqiptare në EURO 2024. Duke qëndruar larg polemikave duke mos reaguar as në rrjete sociale apo media sot ka ardhur postimi i tij i parë që i kushtohet Kombëtares Shqiptare. “Të gjithë të bashkuar mund t’ia dalim. Forca çuna”, shkruan Uzuni në mesazhin e tij.
Ofendoi maqedonasit, Mirlind Daku dënohet nga UEFA, humbet ndeshjen me Spanjën, detaje
Komisioni i Etikës dhe Disiplinës në UEFA ka dalë me një vendim në lidhje me incidentin e ndodhur pas përfundimit të ndeshjes së EURO 2024, Shqipëri-Kroaci, ku ishte i përfshirë sulmuesi kuqezi Mirlind Daku.
Komisioni i UEFA-s ka vendosur të pezullojë për dy ndeshje futbollistin shqiptar, i cili nuk do të mund të luajë kështu në ndeshjen e radhës ndaj Spanjës, në program për t’u luajtur të hënën e 24 qershorit në Dyseldorf.
Sulmuesi në ndeshjen me Kroacinë i rrëmbyer nga emocionet me megafon në dorë shau maqedonasit duke i nxitur dhe tifozat në stadium.
Ai më pas kërkoi falje përmes në një postimi ku shkruante:
Përshëndetje të gjithëve
Së pari dua të jem falenderues ndaj të gjithë atyre që na kanë përkrahur në momentet e mira dhe të vështira në Euro 2024.
Si çdo futbollist, në ato momente emocionet janë në një nivel tjetër, ku vetëm brenda fushës mund të kuptohen, është e vështirë të përshkruash ndjenjën e të luajturit për këtë Kombëtare, për këta tifozë të mrekullueshëm që na japin dashni pa kufi, ashtu siç është dhe moto jonë, “Shqipëri dashni pa kufi”.
Ndjesë nëse kam fyer dikë pas ndeshjes me Kroacinë, afekti i lojës e bën të vetën, unë vazhdoj të punoj së bashku me gjithë grupin rreth ëndrrave tona.
Falja është burrërore, dhe e ndjej obligim moral dhe profesional ta bëj një gjë të tillë, për gjithë ata që janë lënduar.
UEFA gjobit sërish Shqipërinë për incidentet e shkaktuara gjatë ndeshjen me Kroacinë
Komisioni i Etikës dhe Disiplinës në UEFA ka vendosur të gjobisë sërish Federatën Shqiptare të Futbollit me shumën 47,500 euro për shkak të incidenteve të ndodhura gjatë ndeshjes së raundit të dytë në finalet e Kampionatit Europian “Gjermani 2024” ndaj Kroacisë, e luajtur në stadiumin e Hamburgut më 19 qershor 2024.
Penalizimi financiar ka ardhur sërish nga problematika e shkaktuar nga disa tifozë shqiptarë, të cilët ndezën flakadanë gjatë ndeshjes, transmetuan mesazhe të papërshtatshme gjatë ndeshjes Kroaci – Shqipëri si edhe për ndërprerjen e ndeshjes nga një tifoz gjatë zhvillimit të lojës.
Edhe njëherë tjetër Federata e Futbollit gjen rastin t’u bëjë apel të gjithë tifozëve shqiptarë që të jenë më të përgjegjshëm dhe të shmangin krijimin e këtyre incidenteve dhe trazirave totalisht të evitueshme, që mund të sjellin penalitete financiare dhe dëmtojnë imazhin e Shqipërisë dhe futbollit shqiptar. Gjithashtu, FSHF bën me dije se gjatë ndeshjeve nuk lejohen mesazhet me natyrë jo sportive (politike, etnike, etj).
FSHF fton tifozët dhe futbolldashësit të mbështesin deri në fund Kombëtaren shqiptare në këtë rrugëtim magjik dhe historik në EURO 2024, duke treguar qytetari dhe përgjegjshmëri përmes një sjellje korrekte e duke respektuar rregullat dhe kundërshtarët.
Vendimet e plota të Komisionit të Etikës dhe Disiplinës në UEFA:
Të gjobisë Federatën Shqiptare të Futbollit me 2500 euro për ndezjen e fishekzjarreve.
Të gjobisë Federatën Shqiptare të Futbollit me 20.000 euro për pushtimin e fushës.
Të gjobisë Federatën Shqiptare të Futbollit me 25.000 euro për transmetim e mesazheve të papërshtatshme për një ngjarje sportive.
EURO 2024/ U la jashtë listës nga Silvinjo, rishfaqet Myrto Uzuni, mesazhi i sulmuesit për Kombëtaren shqiptare
Sulmuesi Myrto Uzuni është rishfqur disa javë pasi mori vesh që nuk do të ishte pjesë e Kombëtares Shqiptare në EURO 2024.
Duke qëndruar larg polemikave duke mos reaguar as në rrjete sociale apo media sot ka ardhur postimi i tij i parë që i kushtohet Kombëtares Shqiptare.
“Të gjithë të bashkuar mund t’ia dalim. Forca çuna”, shkruan Uzuni në mesazhin e tij në mbështetje të Shqipërisë e cila luan nesër ndaj Spanjës ndeshjen ndoshta më të rëndësishme të historisë së saj.
