Luftuan deri në fund, por një moment shkujdesje në mbrojtje solli golin e Spanjës, duke eliminuar Gjermaninë nga Kampionati Europian që luhet në shtëpinë e saj.

Minuta 119 - Spanja trondit Gjermaninë. Mikel Merino realizon me kokë dhe shuan shpresat për Gjermaninë. 

Në një ndeshje ku Gjermania në shumicën e ndeshjes ishte superiore ndaj Spanjës, këta të fundi u kualifikuan për në gjysëm finale, ku do të përballen me fituesin e çiftit Portugali-Francë.

Në minutën e ’89 Gjermania ka gjetur golin e barazimit.

Pas minutash të tëra ndeshja po luhej vetëm në gjysëmfushën spanjolle, ka ardhur dhe goli i barazimit.

Minuta 89 – Wirtz ka barazuar rezultatin me një goditje të saktë nga brenda zonës.

Do të ishte minuta 51 kur Spanja do të shënonte golin e parë të ndeshjes me Gjermaninë.

Yamal ka pasur në hyrje të zonës dhe Olmo godet saktë duke kaluar Spanjën në avantazh.

Janë publikuar formacionet zyrtare të çerekfinales së parë të Euro 2024, Spanjë-Gjermani, e vlerësuar edhe si një finale e parakohshme.

Dy trajnerët, De la Fuente dhe Nagelsman, nuk kanë dashur të bëjnë surpriza në këtë takim, duke zbritur në fushë nga minuta e parë ashtu siç kanë bërë edhe në ndeshjet paraardhëse.

Sytë do të jetë të përqendruar te yjet e Spanjës, Yamal dhe Williams, ndërsa te Gjermania, Musiala, Sane, por edhe te Kroos, i cili do të largohet nga futbolli pas këtij Europiani.