Trajneri i kombëtares, Sylvinho ka dalë në një konferencë për shtyp para ndeshjes miqësore me Azrebajxhanin, e fundit parapërgatitore para nisjes së kampionatit europian.
Sylvinho u pyet për siuatën me dëmtimet në skuadrën e Italisë por u kujdes të mos tregohej entuziast duke e cilësuar tepër të vështirë marrjen e pikëve përballë ziklatërve, të cilët janë kampionë në fuqi të kampionatit europian.
Pyetjet dhe përgjigjet në konferncën për shtyp të Sylvinhos:
Çfarë dëshironi të shihni nga kjo miqësore me Azerbajxhanin? Është miqësorja e dytë. Kjo është shumë e shpejtë për ne, është për të gjithë në fakt. Brenda 5 ditësh zhvillojmë ndeshjen e dytë. Nuk e di se çfarë skuadre do të zbres në fushë kundër Italisë. Në këtë miqësore do t’i japim minuta disa lojtarëve që nuk kanë lujtur, të provojmë disa gjëra të reja, por ky është një proces shumë i shpejtë
A është Italia ekipi ku mund të bëjmë “bingo”, të marrin pikë? Italia është e fortë. Është një grup i fortë, i bukur. Ne duhet të shijojmë këtë moment, kualifikimin për herë të dytë në Evropian. Italia është kampione e Evropës në fuqi, do të jetë e vështirë. Pas miqësores me Azerbajxhanin ne do të bëjmë vlerësimet tona, për të përgatitur sfidën kundër Italisë.
Ke ndonjë dyshim në lidhje me listën, ndonjë ndryshim të fundit? Nesër do të vendosim për listën finale. Kemi dhe një ditë kohë.
Cili është plani B në vend të Asanit? Asani është një lojtar që ka 4-5 muaj që nuk luan një ndeshje zyrtare. Ai po stërvitet mirë, është mirë fizikisht. Kemi edhe opsione të tjera që mund të bëjnë atë rol. Asani do të luajë edhe kundër Azerbajxhanit, kjo është e sigurt
