Njw pakistanez kohët e fundit u bë viral në rrjetet sociale për vendosjen e një kamere vëzhgimi në kokën e vajzës së tij të vogël, në mënyrë që të mund të monitoronte aktivitetet e saj gjatë ditës dhe të sigurohej që ajo ishte mirë.
Në një video virale të titulluar ‘Siguria nw nivel tjetwr - Next Level Security’, vajza shfaqet duke u intervistuar teksa mbante një kamerë CCTV në kokën e saj të mbuluar me burka.
E pyetur për tw, ajo tha se ishte ide e babait, duke shtuar se nuk kishte asgjë kundër sepse e dinte që prindërit ishin të shqetësuar për sigurinë e saj.
Vajza vazhdoi duke thënë se ideja për të veshur atë që ne supozojmë se është një aparat fotografik me bateri kur ajo dilte ishte frymëzuar nga vdekja tragjike e një gruaje të re në Karachi.
next level security pic.twitter.com/PpkJK4cglh
— Dr Gill (@ikpsgill1) September 6, 2024
Babai i saj, të cilin ajo e quajti “rojtar i saj personal i sigurisë”, me sa duket i tha asaj se kamera e vëzhgimit do ta ndihmonte atë ta monitoronte më nga afër dhe ajo pranoi ta vendoste në kokë.
Pavarësisht absurditetit të dukshëm të të ashtuquajturës masë sigurie, e reja pohoi se kërcënimi i dhunës ndaj grave në Karachi ishte shumë real dhe familja e saj kishte arsye të forta për t’u shqetësuar.
