Barcelona ka ofruar 60 milionë euro për Dani Olmon, mesfushorin spanjoll i cili rezultoi të ishte surpriza e këtij kampionati evropian.
Mesfushori i avancuar i Leipzigut në Gjermani, krijoi një “kimi” për t’u admiruar me sulmuesin e Bilbaos dhe Lamine Yamal, talentin e jashtëzakonshëm të ekipit katalanas.
Gjithsesi, gjermanët kërkojnë më tepër miliona për të lënë të lirë 26-vjeçarin, për të cilin ka interesim edhe nga Manchester City.
Por në “Camp Nou” ka optimizëm në lidhje me arritjen e marrëveshjes finale 6 vjeçare, për t’i dhuruar teknikut Flick një përforcim fantastik.
Olmo ka dalë nga akademia e Barcelonës dhe shpreson të luajë përsëri me skuadrën e zemrës.
Dhe, rikthimi si kampion Europe do të ishte më i bukuri për të.
Pas aventurave në Kroaci te Dinamo e Zagrebit dhe në Gjermani te Leipzigu, katalanasi është gati të jetë përsëri pjesë e Barcelonës, tashmë e skuadrës së parë.
