Videoklipi i ri i Katy Perry-t i publikuar vetëm pak orë më parë, në mesnatën mes të enjtes dhe së premtes, tashmë po shkakton zhurmë. Me "Woman's World", “Botën e gruas”, këngëtarja shpresonte të publikonte një hit feminist.
Por mesazhi i tij u la shpejt në hije nga disa zgjedhje të diskutueshme. Fansat po bëhen shumë kritikë pasi zbuluan se Katy Perry ka bashkëpunuar me producentin kontrovers të muzikës Lukasz Gottëald, i njohur edhe si Dr. Luke. Ky i fundit u akuzua nga artistja Kesha për përdhunim dhe abuzim emocional. Ai gjithmonë i ka mohuar akuzat dhe më pas e paditi këngëtaren për shpifje.
Videoja e këngës së re të Katy Perryt po cilësohet si e hiper-seksualizuar dhe kasti i saj si jo shumë i larmishëm.
Fakti që Katy Perry bashkëpunoi me producentin e denoncuar për përdhunim ngjalli polemika, veçanërisht në internet. “Më shpjegoni se si kemi ardhur deri në pikën sa të prodhohet një këngë e quajtur ‘Woman's World’ me një përdhunues”, ka shkruar një përdorues në rrjetin social
“Kënga e re e Katy Perry-t është një himn feminist i quajtur 'Woman's World'. Ai u shkrua nga gjashtë persona, katër prej të cilëve ishin burra. Është prodhuar nga tre burra, përfshirë Dr. Luke, i cili është akuzuar për abuzim seksual, fizik dhe emocional nga Kesha. Klipi është gjithashtu është bërë nga një regjisor burrë,” shton Peter Lloyd, gazetar për New York Times dhe Sunday Times.
