Pjesëmarrja në Europianin “Gjermani 2024” duket se ka qenë një “minierë” ari për Shqipërinë, konkretisht Federatën Shqiptare të Futbollit.
Kombëtarja e Shqipërisë në Euro nuk luante vetëm për pikët dhe ngjyrat e kombit, por edhe për shpërblime të mëdha financiare nga UEFA.
Kështu, FSFH mori 9.25 milionë euro për arritjen e një vendi në Euro 2024.
Fitorja në grupe në këtë Kampionat Evropian vlente 1 milion euro, ndërsa barazimi kap vlerën e gjysmë milioni euro. Shqipëria barazoi një herë.
Në total, pra, FSHF arkëtoi 500 mijë euro shtesë. Nëse kësaj i shtojmë edhe shumën e kalimit në grupe, atëherë në arkat e FSHF-së shkuan gjithsej 9 milionë e 750 mijë euro.
Dhe tifozët ishin ata që e shijuan më shumë këtë pjesëmarrjen, por edhe e ndëshkuan Shqipërinë me thirrjet e tyre, me hedhjen e sendeve në fushë, apo dhe pushtimin e saj nga tifozët.
Komisioni i Etikës dhe Disiplinës në UEFA e ka gjobitur tre herë Federatën Shqiptare të Futbollit për incidentet e ndodhura në ndeshjet e grupit finalet e Kampionatit Europian “Gjermani 2024”.
Në total Shqipëria është gjobitur plot 171,375 euro në 3 ndeshjet e Europianit.
Dhe këto janë vetëm të ardhurat që jep UEFA, pa llogaritur pjesën tjetër të të drejtave televizive, sponsorat apo të tjera të ardhura.
