Këngëtarja e njohur, Rita Ora e ftuar në shfaqjen e Rebecca Jud dha disa detaje nga martesa e saj, duke pohuar se ajo 'detyroi' bashkëshortin e saj, Taika Waititi që t'i propozonte për martesë.
Rita dhe Taika u martuan në gusht 2022, por nuk e konfirmuan martesën e tyre deri në përvjetorin e tyre të parë vitin e kaluar.
Këngëtarja 33-vjeçare u shpreh për marrëdhënien e saj të ëmbël me aktorin, duke thënë se dyshja 'frymëzojnë njëri-tjetrin'.
Këngëtarja tha: "Ai më propozoi. Epo, dua të them, unë e detyrova të më propozonte. Unë nuk mendoj se do të mësohem ndonjëherë me të. Megjithatë është mirë, sepse ky është djali im. Ne krijojmë së bashku, ne frymëzojmë njëri-tjetrin, kemi shumë plane për të bërë kaq shumë projekte së bashku, të cilat mendoj se njerëzit do të befasohen vërtet”.
Gjatë intervistës, Rita gjithashtu ndau disa mendime për martesën dhe për dashurinë e saj për Taikën. Ajo përshkroi lidhjen e tyre si shumë të fortë dhe të mbështetur në mirëkuptim dhe respekt të ndërsjellë. Këngëtarja tha se ndihen shumë të lumtur bashkë dhe se gjithmonë gjejnë mënyra për të bërë njëri-tjetrin të lumtur.
“Martesa jonë është plot humor dhe dashuri. Ne e mbështesim njëri-tjetrin dhe gjithmonë kërkojmë mënyra për të qenë të lumtur”, shtoi ajo./ Versus.al
