Champions League ka zhvilluar dy nga nëntë ndeshjet e raundit të tretë për ditën e parë. Këtë të martë në 18:45 Milani fitoi 3-1 kundër Club Brugge, ndërsa Monaco nuk u kursye duke mposhtur 5-1 serbët e Crvena zvezdas.
Në ‘San Siro’ Milani fitoi për herë të parë këtë edicion të ri në Champions League. Pas humbjeve kundër Liverpool dhe Leverkusen, djemtë e Fonsecas u imponuan 3-1 kundër belgëve të Club Brugge.
Pulisic në minutën e 34 zhbllokoi ndeshjen për kuqezinjtë, ndërsa miqtë u ndëshkuan me karton të kuq (Onyedika). Sabbe në minutën e 51 barazoi ndeshjen, ndërsa duhej dopieta e Reijnders që Milani të siguronte tri pikët e para.
Në Principatë, Monaco fitoi 5-1 kundër Crvena zvezdas. Minamino me dopietë, Embolo, Singo dhe Akliouche shënuan për francezët.
Champions League, raundi i tretë, Ora 18:45
Milan 3-1 Club Brugge
Monaco 5-1 Crvena zvezda
