Ishte menduar të ishte n jë udhëtim peshkimi me miqtë, por më pas u kthye në një mision shpëtimi. Asnjë njeri për të shpëtuar, por 38 qen që rrezikonin të mbyten në ujërat e një liqeni në Missisipi. Burrat, sapo panë kafshët në vështirësi, nuk u menduan dy herë dhe u zhytën, duke sjellë një nga një qenushët në varkë. Gjithçka u përjetësua më pas nga disa foto që u publikuan në X dhe në një kohë të shkurtër u bënë virale.
“Ata notuan në rrathë dhe nuk mund të riktheheshin në breg, nuk dinin në cilin drejtim të shkonin - deklaruan tre shpëtimtarët - mundësitë për të ndihmuar dikë janë gjithmonë para nesh dhe gjithmonë duhet të bëjmë diçka. Nëse nuk do të kishim qenë atje, do të kishim 38 qen të ngordhur”.
Qentë e gjuetisë të gjetur nga 3 shokët që kishin ndalë për peshkim mësohet se kishin qenë duke ndjekur një dre dhe më pas kishin përfunduar në liqen. Pronarët e qenve po shikonin nga bregu të tmerruar - afërsisht një milje larg - kur tre shokët Gist, Carlisle dhe Chrestman kuptuan se duhej të vepronin nëse krijesat kishin ndonjë shans për t'i mbijetuar gjendjes së tyre të vështirë. Tre burrat bënë rrugën dy herë, derisa shpëtuan 38 qentë.
