Në një postim të bërë në faqen zyrtare të Federatës Shqiptare të Futbollit është bërë me dije se Berat Gjimshiti nuk do të luajë në dy ndeshjet e ardhshme të Nation League, kundër Ukrainës dhe Gjeorgjisë.
Mbrojtësi kuqezi pësoi një dëmtim në seancën stërvitore gjatë një testi miqësor me ekipin U-21 dhe më pas iu nënshtrua kontrolleve mjekësore.
Pas rezonancës magnetike është konkluduar se Gjimshiti ka pësuar një tërheqje muskulore dhe ka nevojë për disa ditë pushim për t’u rikuperuar nga dëmtimi. Kapiteni kuqezi do të rikthehet te klubi i Atalantës për të nisur menjëherë rikuperimin.
Pas kësaj trajneri i kombëtares, Sylvinho ka ftuar për zëvendësim mbrojtësin e U-21 Adrian Bajramin.
Lojtarët e tjerë nuk kanë probleme fizike dhe i gjithë grupi pritet të plotësohet gjatë mbrëmjes së sotme.
/ Versus.al
