Dikur ajo ishte një yll kinemaje… E donin fansat jo vetëm në Europë, por edhe më gjerë. Shqiptarët e mësuan ta donin kur ajo u shfaq në ekran në rolin e saj më të njohur në filmin “E vogla dashuri e madhe”.
Deri në fillim të viteve 2000 ylli i Barbara Snellenburg shkëlqente fort, por 20 vite më vonë mund të habiteni sesa pak ka ndryshuar ylli hollandez i kinemasë europiane. Ajo duket se ka ndalur kohën përtë mbetur një femër e bukur e plot sharm.
Barbara Snellenburg filloi karrierën e saj si modele në moshën 15-vjeçare, kur fitoi një konkurs modeling. Pas disa viteve suksesi në industrinë e modës, ajo vendosi të kalonte në aktrim dhe u zhvendos në Itali për të ndjekur këtë pasion.
Në vitin 1995, Barbara debutoi në televizionin italian me rolin e Larës në serialin komik "Familja e çmendur". Ajo fitoi njohje të gjerë për rolin e Kate në serialin e famshëm "Shtëpia Vianello", ku luajti nga viti 1988 deri në vitin 2007. Po ashtu, ajo ka luajtur në filma si "E vogla dashuri e madhe" (1993), "Simpatikë & antipatikë" (1998), "The Underground Comedy Movie" (1999) dhe "Të verteten ju lutem për dashurinë" (2001) .
Barbara është e njohur për jetën e saj private të rezervuar dhe për dashurinë e saj për modën dhe stilin e jetesës luksoze. Sipas disa burimeve, ajo ka një pasuri neto prej rreth 5 milionë dollarësh, kryesisht nga puna e saj si modele dhe aktore.
