Trajneri i Turqisë, Vincenzo Montella komentoi humbjen 0-3 ndaj Portugalisë duke thënë se fillimisht skuadra ishte pranë shëimit të golit.
“Kemi luajtur një ndeshje të mirë, edhe nëse në momentet vendimtare mund të kishim bërë më mirë. Në njëzet minutat e para ne ishim më afër shënimit, por nëse këto ndeshje nuk thyen ngërçin, atëherë gjithçka bëhet më e vështirë”- tha Montella.
Sipas tij, pasi skuadra pësoi golin e parë, pati mungesë përqendrimi tek lojtarët por shtoi se pavarësisht kësaj humbje, skuadra e tij ka mundësi të kualifikohet në ndeshjen e ardhshme përballë Turqisë.
“Pas golit 1-0 humbëm pak besimin, por në fund skuadra u përpoq të shënonte dhe më vjen keq që nuk ia dolëm. Jemi ende në garë për kualifikim, të vetëdijshëm se do të arrijmë objektivin. Mendoj se kam në dispozicion tre portierë të shkëlqyer.
Kur bën gabime dhe kur humb, trajneri i një klubi ose i një kombëtareje bëhet armiku numër një. Jam i përgatitur, pranoj kritikat, por mbetem gjithmonë mendjemprehtë në analizimin e zgjedhjeve të formacionit dhe humbjeve”, vazhdoi Montella. Versus.al
