Këngëtarja e njohur shqiptare, me famë botërore Dua Lipa feston sot 29 vjetorin e saj të lindjes.
Lipa lindi në Londër, fëmija më i madh i prindërve shqiptarë të Kosovës Anesa dhe Dukagjin Lipa nga Prishtina. Ajo ka një motër, Rinën , dhe një vëlla, Gjinin.
Dua u ndikua muzikalisht nga babai i saj, i cili ishte këngëtari kryesor dhe kitaristi i grupit rok kosovar Oda.
I themeluar së bashku me babain e saj, Dua Lipa tashmë që prej 2019 organizon edhe festivalin e përvitshëm kombëtar dhe ndërkombëtar, Sunny Hill Festival, qëllimi i të cilit është promovimi i Kosovës në rang botëror, duke ftuar kështu edhe artistët më të njohur për të performuar.
Përveç shkëlqimit në muzikë Dua Lipa është cilësuar nga mediat edhe si një ikonë e modës .
Me një fustan Versace dhe diamante Bulgari ajo u vlerësua si një nga personazhet e famshëm të veshur "më së miri" në ceremoninë e 61-të Vjetore të Çmimeve Grammy nga media të ndryshme.
Çmime dhe vlerësime
Lipa ka marrë disa vlerësime gjatë karrierës së saj, duke përfshirë shtatë Brit Açards nga nëntëmbëdhjetë nominime, tre çmime Grammy nga dhjetë nominime, një MTV Video Music Aëard nga njëzet e tre nominime, dy MTV Europe Music Awards nga gjashtëmbëdhjetë nominime, dy American Music Aëard nga shtatë. nominime, tre çmime iHeartRadio Music nga nëntëmbëdhjetë nominime, nëntë pllaka Spotify me 1 miliardë transmetime dhe një çmim Bambi .
Lipa ka marrë dy Rekorde Botërore Guinness ; në vitin 2020 për shumicën e biletave të shitura për një koncert të transmetuar drejtpërdrejt nga një artiste femër solo, dhe në 2021 për shumicën e dëgjuesve mujorë në Spotify për një artiste femër, por pa kaluar kulmin e të gjitha kohërave të arritur nga Ariana Grande një vit më parë.
Për sa i përket jetës personale Dua Lipa që nga janari 2024, Lipa është në lidhje me aktorin Callum Turner.
/ Versus.al
