Pas vendimit të Vëllait të madh për të anuluar televotimin dhe për të futur në shtëpinë e “Big Brother Vip Albania” dy zarfe të zinj, si pasojë e problemeve të krijuara mes Malit dhe Rogertit, ka ardhur reagim edhe nga familja e këtij të fundit.
Familjarët pranojnë se debati mes Rogertit dhe Malit ka kaluar në tone të ashpra dhe jo të denja për t’u parë e dëgjuar, duke u shoqëruar me ofendime nga të dyja palët. Duke shtuar se tensioni i krijuar është rezultat i presionit dhe stresit të lojës, e cila shpesh i çon banorët në reagime ekstreme.
Rogerti e bullizoi rëndë Malin, duke përmendur edhe familjen e tij, çka ka sjellë reagimin e menjëhershëm të produksionit dhe ndërhyrjen disiplinore përmes dy zarfave të zinj dhe pezullimit të përkohshëm të televotimit.
Familja e Rogertit shprehet se, ndonëse respekton vendimet e Vëllait të Madh dhe rregullat e formatit, kërkon që situata të vlerësohet në mënyrë objektive, pa ndikim emocional dhe duke u parë nga të gjitha këndvështrimet.
Ata theksojnë se Rogerti, ashtu si çdo banor tjetër, ka hyrë në lojë duke vënë në rrezik imazhin dhe jetën personale përballë publikut, në një format ku presioni psikologjik është i jashtëzakonshëm.
“Respektojmë çdo vendim të produksionit, por kërkojmë drejtësi dhe balancë në gjykim”, thekson familja e Rogertit./Versus.al
