Jessica Alba dhe bashkëshorti i saj, Cash Warren, raportohet se i kanë fund martesës së tyre pas 16 vitesh. TMZ bën me dije se çifti po i afrohet procesit të divorcit së fundi.
Alba, 43 vjeç, dhe Warren, 45 vjeç, u takuan për herë të parë në Vancouver në vitin 2004, në sheshxhirimin e filmit superheroik Fantastic Four. Aktorja luajti rolin e Sue Storm, ndërsa Warren ishte asistent i regjisorit. Ata u martuan më 19 maj 2008 dhe kanë tre fëmijë së bashku: vajzat Honor, 16 vjeç, dhe Haven, 13 vjeç, si dhe djalin Hayes, 7 vjeç.
Çifti u shfaqën të bashkuar për të festuar ditëlindjen e 7-të të djalit të tyre, Hayes, në fillim të janarit. Në një mesazh enigmatik në prag të Vitit të Ri, Alba shkroi se viti i saj 2024 ishte “plot me lidhje, rritje, aventura, të qeshura, paqe, motërsi, transformim, rilindje, gëzim dhe shumë dashuri.”
Në shtator 2021, themeluesja e The Honest Company foli për revistën PEOPLE mbi ndërtimin e perandorisë së saj të biznesit, prindërimin dhe martesën me Warren. Ajo tha se në atë kohë të dy përpiqeshin të ndanin nevojat e tyre individuale për t’i dhënë prioritet marrëdhënies së tyre.
“Në kohë të ndryshme, kishte gjëra të ndryshme që na duheshin. Rreth kohës kur kisha fëmijët, ishte si: ‘Më duhet [një mbrëmje romantike] një herë në javë.’ Dhe ai ishte si: ‘Më duhet të jesh e pranishme fundjavave dhe të mos punosh,’” tha ajo, duke shpjeguar se ata shpesh “komunikonin tepër për atë që po ndodhte përpara se gjërat të arrinin në pikën pa kthim.”
