Një përplasje e fortë ka ndodhur në ditën e sotme (e diel) mes Gjestit dhe Laert Vasilit.
Ky i fundit, ka bërë një deklaratë provokuese duke përfshirë në këtë mes edhe fenë islame.
Gjatë një përplasjeje verbale me Gjestin, Laerti u shpreh:
“Allahu Ekber thonë ata që presin koka”- duke bërë një lidhje të drejtpërdrejtë mes thirrjes së shenjtë islame dhe akteve terroriste. Kjo fjali e aktorit, i cili është në nominim kokë më kokë me Eglin, ka sjellë dhe një reagim të vrullshëm në rrjetet sociale, ku jo pak persona kanë kërkuar zarf të zi për Laertin, duke e cilësuar krahasimin e tij si të papranueshëm dhe fyese për komunitetin mysliman,i cili është pjesa dërmuese e popullsisë në Shqipëri.
Deklarata ka tronditur opinionin publik dhe ka nxitur reagime të shumta në rrjetet sociale. Një ndër të parët që ka reaguar ka qenë hoxha Ahmed Kalaja, i cili përmes një postimi publik ka dënuar ashpër fjalët e aktorit dhe ka kërkuar që ndaj tij të merren masa.
‘Islamofobi e pastër në ditën me diell. Ky e lidh Allahu Ekber, Zoti është më i Madhi me terrorizmin!!! Shpresojmë që Komisioni Kundër Diskriminimit të ndërmarrë masa. Shpresojmë të merren masa. Institucioni ynë të marrë masa edhe të reagojë.’
Por pak orë më vonë ky mesazh figuron ihequr nga postimet e imamit të ndejur nga mbi 300 mijë personave dhe ccfarënuk është e artë është nëse ai ka preferuar ta heqë për të mos i fryrë "më zjarrit" apo postimi është hequr nga vetë rrjeti social si "provokues".
Vieë this post on Instagram
