Anglia dhe Spanja do të përballen më 14 korrik në finalen e madhe të “Euro 2024” që do të luhet në orën 21:00 në “Olimpiastadion” të Berlinit. Finalja e tyre quhet “mbretërore” për shkak se të dy vendet janë monarki kushtetuese me Mbretin në krye të shtetit.
Përballja mes tyre do të jetë e 28-ta në histori me anglezët të cilët numërojnë më shumë fitore.
13 ndeshje kanë fituar "Tre Luanët", kundrejt 10-të të Spanjës. Ndërkohë katër ndeshje mes tyre janë mbyllur në barazim. Në pesë ndeshjet e fundit, dy skuadrat kanë nga dy fitore dhe një barazim.
Anglia dhe Spanja kanë një histori të gjatë përballjesh, me shumë ndeshje të rëndësishme në kompeticione ndërkombëtare. E fundit ndeshje e madhe midis këtyre dy ekipeve ishte në UEFA Nations League, ku Anglia fitoi 3-2 në vitin 2018.
Përballë janë trajnerët Luis de la Fuente dhe Gareth Southgate, me spanjollin që e ka finalen e parë, ndërsa anglezi të dytën radhazi, teksa tre vite më parë u mposht në Uembley nga Italia në finalen e Euro 2020 (zhvilluar në vitin 2021 prej masave të pandemisë Covid-19).
Duhet theksuar se Spanja është skuadra me ecurinë më të mirë gjatë këtij kampionati europian, duke fituar çdo përballje që ka pasur. Versus.al
