Puthja mes Presidentit francez Emmanuel Macron dhe ministrës së sportit Amélie Oudéa-Castéra gjatë ceremonisë hapëse të Lojërave Olimpike po ‘çmend’’ rrjetet sociale dhe mediat rozë.
Fotoja tregon Macron, duke kapur krahun e Amélie Oudéa-Castéra, 46 vjeçe, një ish-teniste profesioniste që është ministre e sporteve e vendit. Oudéa-Castéra shtrëngon bicepin e Macron me njërën dorë, tjetrën e vendos rreth qafës së tij.
Ndërsa Gabriel Attal, kryeministri francez i vënë në siklet shihet duke larguar shikimin nga ajo që po ndodh mes Macronit dhe Castera.
Pas publikimit të fotos nuk munguan dhe komentet nga mediat franceze.
Madame Figaro, revista franceze që e publikoi foton e para, e quajti atë një "puthje të çmendur" dhe theksoi se ministrja "me siguri di se si t'i bëjë njerëzit të flasin për të".
'Mu duk si produkt i Inteligjencës Artificiale' shkroi një përdorues i rrjeteve sociale.
“Gabriel Attal, ai do të shikojë diku tjetër! Ai nuk di ku të qëndrojë!”- shkroi një tjetër.
“Më duket e pahijshme kjo foto, nuk është e denjë për një president dhe një ministër,”shtoi një tjetër pëdorues./ Versus.al
