Sipas policisë në shtetin gjerman të Rhine-Westphalia, punonjësit e dy dyqaneve të vendosura në Mönchengladbach zbuluan pako me kokaine në kuti bananesh më 10 shtator.
Në të njëjtën ditë, disa kuti me banane që përmbanin kokainë u zbuluan edhe në dyqane në Duisburg, Krefeld, Viersen, Heinsberg dhe Neuss, në Gjermani. Sipas gazetës Bild, të gjitha këto ishin supermarketet Aldi.
Sipas hetimeve të policisë gjermane, droga u dërgua në një magazinë qendrore të rrjetit, nga ku shpërndahej në supermarkete të ndryshme.
“Ngarkesa me banane erdhi nga Amerika e Jugut dhe u dërgua nga deti në portin e Antwerp-it,” shpjegon policia.
“Një nga trafikantët e drogës duhet të ketë bërë një gabim të madh”, shkruan e përditshmja gjermane Bild. Gjithçka tregon se diçka nuk shkoi mirë në portin e Antwerp-it gjatë grumbullimit ose shpërndarjes së drogës.
