Mbrojtësi anësor, Elseid Hysaj është futur në histori të Kombëtares, si lojtari me më shumë ndeshje me fanellën kuqezi, plot 94 të tilla.
-
Kombëtarja fiton thellë me përmbysje, shënon edhe Armando Broja
14 Tetor, 21:20
Pas ndeshjes, ai foli për TVklan duke rrëfyer se i kishte mbetur merak ndeshja me Kroacinë në Europianin e kaluar. Megjithatë, Hysaj tha se edhe momentet më të vështira i kalon me sportivitet duke u përpjekur të mos i shfaqë.
“Më kapi emocioni kur do hyja në fushë dhe do thyeja rekordin. Ndeshja me Kroacinë, në Europian, e kam më bezdi se me Italinë. Mund të kishim marrë një rezultat më të mirë se 2-2. Edhe unë si tip, e mbaj veten, flas me familjen, por nuk flas shumë për problemet. I mbaj mbyllur. Mundohem t’i kaloj me buzëqeshje. Duhet shumë pozitivitet. Unë e kam atë. Është mentaliteti. Unë jam rrit në Shqipëri. Askush nuk të fal asgjë”, u shpreh Hysaj i cili mbrëmjen e sotme kaloi rekordin e kapitenit Lorik Cana për ndeshjet me kombëtaren. Versus.al
