Artistja Katy Perry xhiroi videon për "Lifetimes", kënga e dytë nga albumi i saj i ardhshëm 143 , në S'Espalmador, një ishull i vogël në lindje të Spanjës dhe në jug të Ibizës në Detin Mesdhe.
Por Departamenti i Mjedisit i Ishujve Balearik po pretendon tani se kompania e prodhimit të Perry-t, WeOwnTheCity, nuk siguroi autorizimin e duhur përpara se të bënte xhirimet dhe mund të ketë dëmtuar një rrip të mbrojtur me duna rëre të rëndësishme për mjedisin.
Në një deklaratë të lëshuar më 13 gusht nga Qeveria e Ishujve Balearik thuhet se ka nisur një hetim paraprak për artisten për shkaktimin e shkeljeve të mundshme mjedisore.
Deklarata sqaron më tej se, kompania e prodhimit të Perry në asnjë moment nuk kërkoi lejet e nevojshme për xhirimet.
Dunat në fjalë janë pjesë e një zone të mbrojtur të ishujve Pityusic të quajtur Parku Natyror Ses Salines, i cili ofron një zonë jetike për zogjtë shtegtarë dhe janë habitatet thelbësore ekologjike dhe detare.
Në një deklaratë për shtyp të marrë nga Billboard, departamenti deklaroi se videoklipi nuk ishte një ‘krim kundër mjedisit’ për shkak të lejimit të filmimit nëse bëhet një kërkesë.
