UEFA ka ndërmarrë masa disiplinore ndaj skuadrës polake Lech Poznan dhe Partizanit të Beogradit pas shfaqjes me banderola politike e mesazhe provokuese ku shkruhej mes të tjerash “Kosova është Serbi”.
Klubi polak Lech Poznan u gjobit me 10 mijë euro për një banerin gjigand që u shfaq në ndeshjen e raundit të tretë kualifikues të Conference League kundër Crvena zvezdës. Vendimi u publikua të enjten nga Komisioni Disiplinor i UEFA-s.
Ndërsa për serbët e Partizanit të Beogradit, është vendosur një gobë prej 90 mijë e 250 eurosh për incidentet e tifozëve në përballjet ndaj Oleksandriyës dhe Hibernianit në kualifikimet e Conference League. Vetëm për ndeshjen ndaj Oleksandriyës, të zhvilluar më 31 korrik, klubi serb u gjobit me 17 mijë e 500 euro për banerat e papërshtatshme, përfshirë edhe mesazhin “Kosova është Serbi”. Në ndeshjen e ardhshme të UEFA-s në shtëpi, Partizani i Beogradit do të ketë 10 mijë tifozë më pak në tribuna. Versus.al
