Në “Post Big Brother VIP Albania”, mbrëmja është shoqëruar me diskutime mbi ngjarjet pas finales dhe një përmbledhje të gjithë edicionit, por nuk kanë munguar as debatet mes ish-banorëve dhe moderatorit.
Një nga momentet që ka tërhequr më shumë vëmendje ka qenë përplasja e Rogert Sterkajt, i cili është shfaqur i tensionuar dhe i indinjuar pas disa deklaratave të dëgjuara gjatë finales së madhe.
Ai është përfshirë në një debat edhe me moderatorin Ledion Liço, duke u ndier i fyer nga një koment i bërë nga ai pas largimit të tij nga gara, ku iu ishte thënë “kujdes me lekët”.
Rogerti ka reaguar ashpër gjatë transmetimit, duke i thënë moderatorit: “Më the ‘kujdes me lek’. Po kujdesu ti për lekët e tua mor shok”, duke e kthyer situatën në një debat të hapur në studio.
Nga ana e tij, Ledion Liço është përgjigjur duke iu referuar një rrëfimi të mëhershëm të Rogertit gjatë qëndrimit në shtëpinë e “Big Brother VIP Albania”, ku ai kishte folur për problemet e tij me bixhozin dhe humbjet financiare. Moderatori ka theksuar se “unë nuk kam një histori me bixhozin”, duke lënë të kuptohet se komenti i tij ishte bërë në këtë kontekst./Versus.al
View this post on Instagram
