Jeni beqar dhe doni të gjeni dashurinë? Ndoshta duhet të hiqni dorë nga Tinder dhe të bëni pazare ushqimore. Në Spanjë, trendi "Ligar en Mercadona" ( "Flirtimi në Mercadona", një supermarket i njohur iberian) po bëhet i njohur dhe po i shndërron korridoret e dyqaneve me zbritje në një vend joshjeje të pazakontë.
Për ndjekësit e trendit duket se ka edhe një “orë të artë”, perfekte për takime: nga ora 19:00 deri në 20:00, kur njerëzit janë më të relaksuar.
Për të marrë pjesë, gjëja e parë është të vendosni një ananas me kokë poshtë në karrocën tuaj, në mënyrë që të identifikoheni si një person "i disponueshëm për të takuar njerëz të rinj".
Nëse më pas takoni dikë tërheqës, mund të përpiqeni të "përputheni" (ashtu si në aplikacionin Tinder), thjesht duke u përplasur në karrocën e tij po saj të blerjeve. A nuk duket tashmë si skena hapëse e një filmi romantik?
Më pas mund të shprehni preferencat bazuar në atë që vendosni në shportën tuaj. Nëse blejmë çokollatë do të thotë se po kërkojmë "diçka të ëmbël dhe romantike". Nëse zgjedhim kavanoza me konserva, preferojmë një histori "serioze". Për një natë pasioni thjesht vendosni një qese me ëmbëlsira në karrocë.
Shumë bëjnë shaka me trendin, por për shumë është një mënyrë për t'u rikthyer në kërkimin e lidhjeve në "botën reale" pas viteve të kaluara mes bisedave dhe pëlqimeve në platforma të ftohta dixhitale.
Në fund të fundit, kush nuk ka fantazuar kurrë për një histori dashurie të lindur në një vend të pazakontë, ndoshta përmes një takimi të rastësishëm? Epo, tani ai vend mund të jetë korridori i njw marketi, mes një kanaçe pureje dhe një pako orizi. Dhe kush thotë se kjo nuk është më romantike se një takim në një aplikacion takimesh?
