Ndeshja finale e Champions League mes Borussia Dortmundit dhe Real Madridit u ndërpre 30 sekonda pasi nisi sfida finale, pasi tre tifozë u futën në fushë. Shpejt u zbulua se kush ishin dhe çfarë fshihej pas vrapimit të tyre.
Pasi tre tifozët vrapuan në fushë, kamerat e kthyen vëmendjen te publiku në tribuna dhe spektatorët pranë ekraneve televizive fillimisht nuk ishin në dijeni të asaj që po ndodhte.
Gjyqtari Slavko Vinçiç e ndërpreu ndeshjen dhe ndërprerja zgjati deri në 2-3 minuta.
Në videon që u shfaq, tregohej se stjuardët u ndihmuan edhe nga mesfushori i Borussia Dortmund, Marcel Sabitzer, i cili e rrëzoi njërin prej tyre përtokë dhe më pas u nxorën jashtë stadiumit.
Të tre kishin veshur fanella me fjalët “Mellstroy”, që në fakt është pseudonimi i blogerit bjellorus 26-vjeçar Andrej Burim, i cili i premtoi 350 mijë euro kujtdo që vraponte në fushë gjatë finales së Ligës së Kampionëve në emër të tij.
Mellstroy është një figurë e njohur në platformën e transmetimit Kick, me 470,700 ndjekës.
I lindur në vitin 1998 në Gomel të Bjellorusisë, influencuesi 25-vjeçar, emri i vërtetë i të cilit është Andrey Burim, ka grumbulluar tre milionë ndjekës në Instagram dhe 1.8 milionë në TikTok.
Ai filloi karrierën e tij të transmetimit në 2015, duke u fokusuar fillimisht në përmbajtjen e lojërave duke përfshirë Minecraft, CS, Dota 2, ndër të tjera, në YouTube.
Megjithatë, Mellstroy më vonë e zhvendosi fokusin e tij në transmetimin e aktiviteteve të tij të përditshme dhe basteve në Kick.
Sido që të ishte, ndeshja vazhdoi dhe në fund të lojës Real Madridi shënoi dy gola në pjesën e dytë dhe fitoi titullin e 15-të kampion evropian në histori.
<blockquote class="twitter-tweet" data-media-max-width="560"><p lang="en" dir="ltr">Russian streamer Mellstroy offered £300,000 to anyone who ran on the pitch during the Champions League final with his name on their shirt. ????????????<br><br>Fair play to these lads. ???? <a href="https://t.co/m7mNx2VPBr">pic.twitter.com/m7mNx2VPBr</a></p>— Football Tweet ⚽ (@Football__Tweet) <a href="https://twitter.com/Football__Tweet/status/1796990105988534555?ref_src=twsrc%5Etfw">June 1, 2024</a></blockquote> <script async src="https://platform.twitter.com/widgets.js" charset="utf-8"></script>
