Armando Broja mbërrit në skuadrën angleze Everton në fund të verës, duke e ditur se duhej të jepte maksimumin e tij.
Por edhe ai ka të ngjarë të pranojë se karriera e tij në një fazë kaq premtuese, ka ngecur për shkak të një sërë lëndimesh, shkruam media The Athletic.
I cilësuar prej kohësh si një perspektivë kryesore në radhët e akademisë së klubit mëmë Chelsea , ai u kthye nga huazimet e suksesshme në Vitesse Arnhem dhe Southampton gati për të bërë një ndikim, por dëmtimi serioz që pësoi në gju në dhjetor 2022 e mbajti atë jashtë fushës për rreth nëntë muaj.
Nisur nga kjo The Athletic shkruan se Broja mund të jetë gati vetëm pas mesit të nëntorit, çka do të thotë se për këtë sezon ai e ka mbyllur me Kombëtaren në Ligën e Kombeve.
Edhe pse kuqezinjtë i luajnë ndeshjet e fundit më 16 dhe 19 nëntor, forma dhe minutat e pakëta në fushë do e mbajnë jashtë Brojën nga kuqezinjtë.
‘’Sulmuesi shqiptar ka bërë përparim pozitiv në përpjekjen e tij për t’u rikthyer nga një dëmtim në këmbë dhe është i vendosur të përshpejtojë rehabilitimin e tij gjatë pushimit ndërkombëtar. Në vend që të bashkohej me Shqipërinë, ai do të qëndrojë në Liverpool për të vazhduar programin e tij. Një rikthim në lojë nga mesi i nëntorit konsiderohet të jetë një objektiv i mundshëm, megjithëse Everton do ta trajtojë rikthimin e tij me kujdes, me shumë mundësi duke e futur atë në aksionin me 21 vjeçarët për të kapur formën’’, shkruan media në fjalë.
Mbetet për t'u parë nëse ai do të rikthehet si i njëjti lojtar pas problemeve të tij me lëndimet, por Broja po kërkon të tregojë vlerën e tij pas zhgënjimit të viteve të fundit, mbyll artikull e saj The Athletic./Versus.al
