Liam Payne ka lënë një trashëgimi marramëndese prej 24 milionë paund pa testament pas vdekjes tragjike tetorin e kaluar.
Ylli 31-vjeçar la pas një total prej 28,595,000 £ pasi, por kjo shumë u reduktua në 24,280,000 £ pasi shpenzimet dhe borxhet e tij u paguan.
Ndërsa dokumentet tregojnë se këngëtari i grupit One Direction i kishte dhënë fuqinë e administrimit të pasurisë së tij ish-të dashurës së tij Cheryl Tweedy, nënës së djalit të tij tetëvjeçar, Bear.
Ka të ngjarë që pasuria të vendoset në besim për djalin e Liamit sipas rregullave të Mbretërisë së Bashkuar për trashëgiminë pa testament, ku pasuria e personit zakonisht i kalon bashkëshortit/es ligjor ose të afërmit të tij/saj më të afërt të gjakut.
Kjo do të thotë që e dashura e tij, Kate Cassidy, nuk mund të merrte asgjë - pavarësisht se ajo zbuloi planet e tyre për t'u martuar menjëherë pas vdekjes së tij.
Pesë persona janë akuzuar për vdekjen e këngëtarit në Argjentinë.
Menaxheri i hotelit, një recepsionist dhe një mik i Payne janë akuzuar për vrasje të paqëllimshme, është shprehur më herët në një deklaratë Zyra e Prokurorit të Argjentinës.
Payne ishte një nga pesë anëtarët e grupit të famshëm të djemve One Direction, së bashku me Harry Styles, Zayn Malik, Louis Tomlinson dhe Niall Horan./Versus.al
