Sulmuesi i Kombëtares, Armando Broja është prezantuar zyrtarisht te Everton.
22-vjeçari kalon në huazim nga Chelsea për një sezon, teksa Everton ka të drejtë ta blejë futbollistin në fund të szonit kundrejt vlerës 30 milionë euro.
Këtë të enjte Armando Broja u prezantua zyrtarisht nga Everton, ndërsa nuk mungoi prej tij as simboli kombëtar ‘shqiponja'.
Për faqen e klubit ai tha se i pëlqen të vrapojë dhe të shënojë sa më shumë gola për ekipin e tij.
"Mendoj se jam një lojtar mjaft i shpejtë. Më pëlqen të vrapoj dhe të jem agresiv. Natyrisht, më pëlqen të shënoj gola dhe dua të ndihmoj skuadrën në maksimum", tha Broja mes të tjerash.
Armando kishte një ftesë nga Kombëtarja për Ligën e Kombeve, por një dëmtim do e mbajë jashtë deri në tetor, kohë kur do jetë i gatshëm edhe për Everton./ Versus.al
