Nuk do të luhaten pak, por plot 22 gradë temperaturat minimale e maksimale në vend këtë të dielë. Sot vendi ynë do të ndikohet nga kushte të qëndrueshme atmosferike për shkak të masave ajrore të thata me origjinë veriperëndimore, parashikon Shërbimi Meteorologjik Ushtarak.
Moti parashikohet i kthjellët në të gjithë territorin e vranësira të pakta kalimtare. Në orët e mëngjesit do të vijojë të mbetet prezentë mjegulla e dendur apo mjegullina kryesisht përgjatë zonave luginore.
Gjatë ditës së sotme do të ketë një ulje temperaturash, ndërsa termometri do të shënojë deri në -2 gradë celcius në veri, ndërsa në pjesën qendrore të vendit temperaturat priten që të shkojnë deri në 20 gradë Celsius.
Era do të fryjë kryesisht e lehtë me drejtim kryesor nga kuadrati i veriut dhe shpejtësi mesatare 1-5 m/s ndërsa hera-herës me rrahje era në lugina dhe bregdet me shpejtësi deri në 6-10 m/s.
