Pasagjerët në një fluturim të American Airlines nga Dallas në Minneapolis në Shtetet e Bashkuara të Amerikës u kapën nga paniku kur sasi të mëdha uji filluan të “përmbytin” kabinën e avionit.
Pasagjerët në një aeroplan të American Airlines kishin frikë se do të "mbyteshin" për shkak të "përmbytjeve" që erdhën nga tualetet e avionit gjatë një fluturimi të fundit nga Dallas në Minneapolis, Shtetet e Bashkuara.
Pamjet që qarkullojnë në internet tregojnë dyshemenë e avionit duke u mbushur me ujë, me pasagjerët që paketojnë çantat e tyre me nxitim dhe shkojnë në pjesën e përparme.
Një pasagjere, Hilary Stewart Blazevic, filmoi të gjithë skenën në aeroplan dhe tha se një grua doli nga tualeti dhe lajmëroi ekuipazhin e kabinës se kishte një rrjedhje. Një nga stjuardesat u pa më pas pa sukses duke u përpjekur të pastronte ujin që kalonte nga tualeti në kabinë.
"Më zuri paniku kur kuptova se ata nuk mund të mbyllnin ujin," tha znj. Blazevic. Ajo vazhdoi duke thënë se njerëzit duhet të lëvizin gjërat e tyre pasi uji ishte "i neveritshëm". Videoja u shpërnda në rrjetet sociale dhe ka mbledhur mbi 7 milionë shikime, me disa njerëz të shqetësuar për çfarë shohin dhe për sigurinë e avionit e pasagjerëve dhe të tjerë që bëjnë shaka.
