Pasi u lirua nga Gjykata e Tiranës, Antonela Berisha i është rikthyer jetës normale dhe punës.
Tashmë ish-konkurentja e ‘Përputhen’ ka vendosur t’i kthehet biznesit të saj dhe jetës aktive.
Atë e kanë “mbuluar” në lule miqtë, të afërmit dhe bashkëpuntorët. Ka qenë vetë Antonela ajo e cila në llogarinë e saj në “Instagram” ka publikuar disa buqeta me lule ku një prej tyre ishte e shoqëruar me mbishkrimin: “Mirë se u ktheve bisha”.
Pak ditë më parë Gjykata caktoi detyrim paraqitje për ish-banoren e Big Brother Vip ndërsa motra e saj Mariela Berisha u la në arrest shtëpie.
Motrat Berisha akuzohen për rrahjen brutale të 24 vjeçares Klea Prenga. Ngjarja e rëndë ndodhi në gusht të këtij viti për motive xhelozie pasi Mariela Berisha dyshonte se partneri i saj e tradhëtonte me blogeren Klea Prenga.
Në gjykatë Antonela kërkoi falje dhe u shpreh e gatshme të ndihmonte Klea Prengën ndërsa ka shtuar se motra e saj nuk është në gjendje të mirë psikologjike. /Versus.al
