Tensionet në Rumani vijuan edhe pasi lojtarët e Kosovës dolën nga fusha e lojës ku u fyen për 90 minuta nga ana e tifozëve vendas.
Pas konferencës për mediat ku ishin të pranishëm trajneri Franco Foda dhe kapiteni i Kosovës Amir Rrahmani, lojtarët e tjerë po prisnin në corridor.
Një prej zyrtarëve rumunë i cili kishte leje hyrje në të gjithë stadiumin, ka provokuar sulmuesin Edon Zhegrova, duke vijuar me sjellje jo të mirë ndaj lojtarit edhe pas daljes nga dhoma e konferencës.
Pas kësaj Taulant Hodaj reagon, së bashku me menaxherin Bajram Shala, ndërsa Edon Zhegrova qëndronte afër presidentit të FFK-së, Agim Ademi.
“Nuk mundesh të flas me lojtarët tanë ashtu” – dëgjohet duke thënë Shala.
Me braktisjen e lojës në minutën 90-të kur ndeshja po mbyllej me rezultatin 0-0, Kosova rrezikon të humbasë në tavolinë ndërsa pritet vendimi i UEFA-s. Versus.al
