Rizarta ka shkaktuar polemika pasi u shpreh se nuk e dinte që një bisedë e saj e ndjerë do të publikohej, duke menduar se po fliste me psikologen e programit. Pas transmetimit të klipit, ajo u ndje keq, veçanërisht për detajet që ndau mbi prindërit e saj.
Megjithatë, psikologia e Big Brother-it sqaroi në “Fun Club” se banorët janë plotësisht të vetëdijshëm kur flasin me të dhe kur komunikojnë me produksionin.
Ajo theksoi se takimet zhvillohen në ambiente të monitoruara dhe asnjë bisedë me të nuk publikohet.
Psikologia mohoi kategorikisht pretendimet e Rizartës, duke thënë se ajo e dinte që po fliste me “Zërin” dhe jo me të, duke e konsideruar deklaratën e saj si pjesë të lojës.
'100% Rizarta e ka ditur se nuk po fliste me mua. 100% ajo e ka ditur se po fliste me zërin. Ajo nuk ka pasur asnjë lloj dyshime se psikologu ka qenë mbrapa. Ajo e dinte dhe e pranoi shumë shpejt kur ja rikujtoi Ledioni. Ajo gjë që ka qëndruar dhe e ka bërë deri diku të dukshme dhe publikisht ishte se ka qenë duke treguar pasi mendonte se linjën e jetës do ta shtjellonte më vonë.' u shpreh psikologia./Versus.al
