Pas momentit kur Aldo shprehu hapur ndjenjat e tij për Danjën, reagimet nuk kanë munguar.
Një nga personat që u përfshi në këtë situatë është Rizarta, e cila më herët kishte krijuar një afrimitet me Aldon brenda shtëpisë së Big Brother VIP Albania.
Një ndjekës e pyeti atë në Instagram nëse do ta priste Aldon pas deklaratës që ai bëri për Danjën.
'Jam shumë e bukur për drama të panevojshme. Mezi përballova dramat brenda shtëpise e jo më jashtë. Ata që më kanë ndjekur me vëmendje aty brenda e dinë analizën time të situatës' tha Rizarta.
Një tjetër ndjekës e pyeti Rizartën për gjendjen e saj pas momentale. Ajo dha një përgjigje të hapur dhe të sinqertë:
“Të falënderoj shumë për pyetjen dhe njëkohësisht mbështetjen! Do gënjeja nëse do thoja se jam shumë mirë. Di të them se ditët e fundit kam marrë kohën time të nevojshme për pushim. Jam gati të vazhdoj rutinën, punën dhe të gjithë aktivitetin fizik dhe social aty ku është lënë. Jam entuziaste për vijueshmërinë dhe njëkohësisht kam pak frikë.
Jam e lumtur për të gjithë mbështetjen që kam marrë nga miqtë e rinj virtualë dhe njëkohësisht jam e zhgënjyer pak nga realiteti i Shqipërisë sot. Jam e dyzuar në shumë vendime, por për herë të parë nuk ndihem vetëm. Nuk kam arritur akoma 100% të produktivitetit tim, por hap pas hapi jam drejt asaj rruge.
Ndjej krenari të madhe për veten dhe jam mirënjohëse për çdo mundësi që më është dhënë në jetë. Mezi pres të takoj gruan që do të bëhem një ditë. Të gjitha përgjigjet e punës dhe e-mailet do t’i kthej brenda 2 ditëve të ardhshme. Ju dua të gjithëve”, tha Rizarta.
Ndërsa pyetjes se me cilin nga banorët i ka pëlqyer të bisedojë brenda shtëpisë së Big Brother Vip, Rizarta zgjodhi Laertin. Ish-banorja shkruan se i vetmi stimulim që i bënte trurit çdo ditë ishin bisedat me Laerti.
'Nga mitologjia greke deri te The Beatles. I vetmi stimulim që i bëja ccdo ditë trurit ishin pikërisht bisedat me Laertin. Laerti nuk shqetësohej për sasine e materialit që duhej ti jepte kameres. Më degjonte, këshillonte dhe vleresonte në ccdo bisede. Më kujtohet më e bukura ishte kur në një moment vulnerabel dobësie besova se BBV ishte gabim dhe aty Laerti tregoi një mit në dukje të gjatë por me mesazhin që më ndryshoi gjendjen emocionale të gjithë rrugëtimit tim; Njerëzit janë të pafuqishëm për të ndryshuar fatet e paracaktuara te tyre.' shkruan Rizarta.
