Me temperatura relativisht të larta pritet të mbyllet edhe kjo fundjavë, sipas sinoptikanëve.
Tre ditët në vijim do të mbyllen me temperatura mbi 40 gradë Celsius, e kështu pritet të nisë edhe java tjetër.
Në qytetet si Berati, Gjirokastra, Shkodra apo Elbasani pritet që termometri të arrijë deri në 41 gradë mesditën e të dielës.
Ndërkaq, problematike do të jetë situata edhe në zonat bregdetare ku erërat e forta do të favorizojnë një det të trazuar e me dallgë.
Normalizimi i motit pritet të nisë të martën dhe 15 ditëshi i dytë i muajit parashikohet të ketë temperatura normale, por me rrebeshe, duke përjashtuar dy ditë që do të arrijnë deri në 39 gradë Celsius.
Sinoptikanët e konsiderojnë gushtin si një muaj të nxehtë por nuk i ngjason korrikut për temperaturat rekord që shënoi./ Versus.al
