Milani i Fonseca po funksionon më së miri, kjo pas ecurisë pozitive të skuadrës në fazën përgatitore, më pas do të jetë sezoni i rregullt ai që do të konfirmojë punën e portugezit, që pasi Manchester Cityt mposhti dhe 15 herë fituesit e Champions League.
Kuqezinjtë fituan ndaj Realit të Madridit në Chikago, duel i mbyllur në shifrat 1-0, ndërsa mjaftoi një gol nga Samuel Chukwueze në minutën e 55’.
Të dyja skuadrat eksperimentuan me lojtarët, pasi si ç dihet një pjesë e madhe e titullarëve ende nuk janë grumbulluar.
Ajo çka rëndësi në miqësore të tilla nuk është rezultati, por loja dhe Milani ka pësuar ndryshime nën drejtimin e Fonseca, pasi portugezi njihet për lojën e tij ofensive.
Pak ditë më parë, milanezët fituan dhe ndaj Manchester Cityt, ku sërish loja e bukur nuk mungoi dhe jep një lloj garancie që kuqezinjtë do të ndryshojnë fytyrë në sezonin e ri.
Më 7 gusht Milani do të përballet me Barcelonën, një tjetër ekip që po shkëlqen në fazën përgatitore, ndërsa skuadra e fundit në rend është Monza, bazuar kështu në kalendarin zyrtar të italianëve.
