Një skandal është shënuar gjatë ndeshjes në Champions League mes klubit serb Crvena Zvezda dhe skuadrës polake Lech Poznan. Mbrëmjen e djeshme, skuadra serbe ka falenderuar tifozët e klubit polak të cilët shpalosën në stadium një baner të madh me shkrimin “Kosova është Serbi”.
Lech Poznan ishte nikoqir i Crvena Zvezdas në ndeshjen e parë të rrethit të tretë të kualifikimeve për Ligën e Kampionëve, e cila përfundoi me rezultat 3-1 në favor të mysafirëve.
Por ajo që ra në sy ishte një skandal i madh i prodhuar nga tifozët vendas të Lech Poznan, të cilët gjatë ndeshjes shpalosën një baner të madh me mbishkrimin “Kosova është Serbi”.
Skandali i thellua edhe më shumë pas përfundimit të ndeshjes, ku pjesë e saj u bë edhe faqja zyrtare apo vetë klubi i Crvena Zvezdas që nëpërmjet një postimi në rrjetet sociale falenderonte tifozët që shpalosën banderolën. Versus.al
